Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
29. ágúst. 2012 04:01

Borgfirskar afurðir í fyrirrúmi

Að Árdal í Andakíl er í framkvæmd athyglisverð tilraun í matreiðslu og miðlun á því hvað Borgarfjörðurinn hefur upp á að bjóða. Þar er í framleiðslu sjónvarpsþáttarröð um hina ýmsu nýtingarkosti í náttúru Borgarfjarðar, allt frá kjötframleiðslu til sultugerðar. Að verkefninu standa þau Guðni Páll Sæmundsson, Bryndís Geirsdóttir og Árni Ólafur Jónsson en tökur hafa staðið yfir síðan í júní. „Megin áherslan er á hráefnið í þáttunum og koma áhorfendur til með að fylgja Árna Ólafi í heimsóknir til bænda, í gróðurhús og á flesta þá staði sem finna má hráefni sem hægt er að nota í eldhúsinu. Árni er menntaður kokkur og hefur unnið á veitingahúsum í New York. Framleiðendur og þeir sem þekkja til viðkomandi hráefnis eru teknir tali og spurðir út í framleiðsluhætti og nýtingarmöguleika á hráefninu,“ segir Guðni Páll.

 

 

Vegna verkefnisins lagðist hópurinn sjálfur í tilraunastarfsemi í Árdal og kom sér til dæmis upp myndarlegum matjurtagarði. Hann kemur til með að leika nokkuð hlutverk í þáttunum. Þar kennir svo sannarlega ýmissa grasa. „Það er ótrúlegt að sjá hvað hægt er að rækta upp á skömmum tíma. Við mörkuðum reit suðaustan við bæinn með aðstoð góðs fólks og fylltum af nýrri mold sem við blönduðum eftir kúnstarinnar reglum. Jarðvegurinn í túninu var heldur grýttur og þetta var því dálítið fyrirtæki, en við erum alsæl með árangurinn.“ segir Bryndís.

 

Lesa má grein um vinnslu á sjónvarpsþáttaröð um náttúrnýtingu í Borgarfirði í Skessuhorni sem kom út í dag. Greinin er hluti sérblaðs um það sem náttúra Vesturlands gefur af sér.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is