Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
31. ágúst. 2012 02:01

Náði góðum árangri í Reykjavíkurmaraþoni

Klara María Jónsdóttir, 15 ára Skagastelpa, hefur náð góðum árangri í langhlaupi á undanförnum árum. Foreldrar hennar eru Jón Páll Pálsson og María Guðrún Sveinsdóttir. Hún keppti í 10 km hlaupi í Reykjavíkurmaraþoninu sem fram fór á menningarnótt og sigraði hún sinn aldursflokk á tímanum 43,24 mín. Klara keppti í flokki 12-15 ára. Tími hennar í hlaupinu var það góður að í raun var hún líka með besta tímann í flokki 16-18 ára. Þá var Klara með tólfta besta tímann af öllum konum í 10 km hlaupi maraþonsins en alls tóku þátt í því um 2700 konur. Þetta er ekki í fyrsta skipti sem Klara keppir í Reykjavíkurmaraþoni. Hún hljóp í 10 km hlaupi fyrst árið 2009 og var þá á öðru sæti í flokki 14 ára og yngri á tímanum 46,32 mín. Árið eftir bætti hún um betur og varð í fyrsta sæti í flokki 12-15 ára og bætti tíma sinn um rúmar tvær mínútur, 44,31 mín. Hún keppti ekki árið 2011.

 

 

Í samtali við Skessuhorn sagðist Klara hafa lítið æft hlaup hingað til en ætli sér nú að taka hlaupið fastari tökum og er ákveðin í því að keppa í næsta Reykjavíkurmaraþoni. „Ég hef æft fótbolta með ÍA en í vetur ætla ég að prófa að æfa boot camp til að halda mér í góðu formi. Síðan ætla ég og foreldrar mínir að athuga með að komast í hlaupaþjálfun,“ segir Klara og bætir því við henni líði vel að hlaupa og sé fátt eitt betra en að hafa nýlokið langhlaupi. Hún segir sennilegt að hlaupabakterían sé komin frá föður sínum honum Jóni Páli Pálssyni. „Pabbi er mikill hlaupakall. Hann hefur keppt í járnmanninum í útlöndum en til að keppa í þeirri keppni þurfa þátttakendur að vera í ansi góðu formi. Sennilega fæ ég hlaupaáhugann frá honum,“ segir Klara og brosir. Fróðlegt verður að fylgjast með árangri hennar á næstu misserum á vettvangi hlaupsins en Klara er nú að hefja nám í 10. bekk við Grundaskóla.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is