Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
31. ágúst. 2012 11:16

Aðalfundur SSV fer nú fram í Stykkishólmi

Aðalfundur Samtaka sveitarfélaga á Vesturlandi var settur í morgun á Hótel Stykkishólmi. Fundurinn hófst með kjöri í starfsnefndir fundarins og ræðu Sveins Kristinssonar formanns stjórnar SSV þar hann flutti skýrslu stjórnar. Á fundinum sitja fulltrúar sveitarfélaganna tíu á Vesturlandi, bæði kjörnir fulltrúar og embættismenn. Á dagskrá fundarins eru fjölmörg mál. Ber helst að nefna kynningu á innleiðingu sóknaráætlunar ríkisvaldsins 20/20 um aukna ábyrgð landshlutasamtaka í fjárveitingarmálum hins opinbera í ýmsum málaflokkum.  Sveinn Kristinsson sagði í ræðu sinni að framtíðin bæri með sér töluvert breytta mynd af rekstri og verkefnum landshlutasamtaka á borð við SSV. Breytingar væru á döfinni.

"Hvernig við á Vesturlandi ætlum að nýta okkur þessar breytingar og vinna með þetta verkefni er eitt af aðalviðfangsefnum þessa fundar og verður mjög spennandi að sjá hver niðurstaðan verður. Markmið breytinganna er að veita heimamönnum aukið ákvörðunarvald um val þeirra verkefna sem þeir kjósa að vinna að,” sagði Sveinn sem hvatti fundarmenn til að láta að sér kveða um þessi mál sem og önnur á fundinum.

 

Einnig er til umræðu á aðalfundinum málefni fatlaðra, starfsemi atvinnuráðgjafar, vaxtarsamnings Vesturlands og Markaðsstofu Vesturlands svo dæmi séu tekin. Þá ávarpa nokkrir gestir fundinn m.a. Ögmundur Jónasson innanríkisráðherra og Stefán Haukur Jóhannesson, aðalsamningamaður Íslands í aðildarviðræðum við ESB. Kynnir hann byggðakafla í aðildarviðræðunum. Fundað verður í Stykkishólmi fram á kvöld og aftur í fyrramálið, en fundinum lýkur klukkan 14 á morgun.

 

Ítarlega verður greint frá aðalfundi SSV í næsta tölublaði Skessuhorns.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is