Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
06. desember. 2012 03:01

Kvenfélagið Gleym mér ei í Grundarfirði 80 ára

Kvenfélagið Gleym mér ei í Grundarfirði var stofnað árið 1932 og er því 80 ára nú í ár. Félagið er eins og mörg kvenfélög öflugt líknarfélag og hefur látið margt gott af sér leiða í Grundarfjarðarbæ. Síðastliðin fimm ár hefur fjölgað í félaginu og eru nú 60 konur í því, ekki síst hefur yngri meðlimum fjölgað mikið. „Félagar eru 23 ára og uppúr, sem er mjög skemmtilegt,“ segir Mjöll Guðjónsdóttir, formaður Gleym mér ei, en blaðamaður Skessuhorns ræddi við hana og systir hennar Sólrúnu gjaldkera um starfsemi kvenfélagsins.

Kvenfélagið Gleym mér ei hefur veitt mörgum stofnunum og einstaklingum í bænum veglegar gjafir um tíðina. „Undanfarin ár höfum við gefið veglegar gjafir. Til dæmis gáfum við leikföng í leikskólann og grunnskólanum gáfum við stjörnukíki og smásjá vegna afmælis skólans. Þá gáfum við slökkviliðinu björgunarklippur og hjartastuðtæki í íþróttahúsið í samstarfi við önnur félög í bænum. Félagið hefur einnig gefið flaggstangir við fjölbrautarskólann og Samkomuhúsið svo eitthvað sé nefnt,“ segir Sólrún. Gleym mér ei tók mikinn þátt í byggingu kirkjunnar í Grundarfirði á sínum tíma og er nú að endurnýja alla stóla og ljós í safnaðarheimilinu. Einnig lét félagið sig miklu skipta byggingu sundlaugarinnar í bænum. „Í gegnum árin höfum við svolítið hugsað um handavinnustofuna í grunnskólanum og það eru til dæmis ekki mörg ár frá því að við endurnýjuðum saumavélarnar. Þetta er oft ótrúlega mikið sem við gerum og fólk veit ekki endilega af því,“ segir Mjöll.

 

Sjá nánar í Skessuhorni vikunnar.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is