Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
07. desember. 2012 09:01

Fræðslufundir Líflands vöktu athygli bænda

Fræðslufundir fyrir bændur á vegum Líflands voru nýverið haldnir á sex stöðum á landinu. Þetta var í sjötta sinn sem Lífland stóð fyrir fundarröð fyrir bændur, þar sem erlendir sérfræðingar héldu fyrirlestra um málefni tengd fóðurfræði og heilbrigði mjólkurkúa. Að þessu sinni voru dagskráin þannig að farið var yfir niðurstöður heysýna og samanburð á þeim við fyrri ár. Rætt var um notkun á heimaræktuðu byggi, samspil byggs og kjarnfóðurs, kosti byggnotkunar og hvað beri að varast. Loks var rætt um geldstöðu til byrjunar á mjaltaskeiði hjá kúm, afleiðingu doða, neikvætt orkujafnvægi og mismunandi holdstig hjá mjólkurkúm og hvernig Hollendingar fara að í þeim efnum. Fyrirlesarar voru sérfræðingar frá hollenska ráðgjafafyrirtækinu Trouw Nutrition, þeir Gerton Husiman og Henri ter Wijlen. Að venju voru fyrirlestrarnir þýddir á íslensku jafnóðum.

 

 

 

Fundirnir voru að þessu sinni haldnir á Flúðum, Hvolsvelli, Hvanneyri, Blönduósi, Varmahlíð og Akureyri. Fyrirlestrarnir þóttu mjög fróðlegir og urðu umræður um ýmis efnisatriði þeirra á fundunum. Lífland hefur nú um sex ára skeið tekið heysýni hjá þeim bændum, sem þess óska, og sent til rannsóknarstöðvarinnar BLGG í Hollandi. Niðurstöðurnar liggja gjarnan fyrir sjö til tíu dögum eftir að heysýnin eru send utan. Greining þessara heysýna er mjög nákvæm, m.a. eru flest stein- og snefilefni greind, þar á meðal Selen. Fram kom við samanburð heysýnanna að t.d. fosfórmagn hefur lækkað í heyjum á síðustu árum og er nú vel undir lágmarks viðmiðun. Urðu nokkrar umræður um þessar upplýsingar á fundunum og töldu fundarmenn að ástæðan væri væntanlega samspil af minni áburðargjöf og einnig mismunandi skilyrði fyrir upptöku fosfórs úr jarðvegi.

-fréttatilk.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is