Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
09. desember. 2012 11:27

Aukinn síldarkvóti á reknet í Breiðafirði

Ákveðið hefur verið að bæta 300 tonnum við heimildir til síldveiða með reknet í Breiðafirði. Telst það lokaúthlutun þessa fiskveiðiárs og er heildarmagnið þá orðið 900 tonn. Atvinnu- og nýsköpunarráðuneytið tilkynnti þessa ákvörðun sl. föstudag. Allmargir bátar hafa stundað veiðarnar í haust og voru flestir þeirra búnir með kvótann. Í Stykkishólmi og Snæfellsbæ hefur verið tekið við síld til vinnslu í haust og síldveiðarnar og vinnslan skaffað fjölda manns atvinnu eins og fram hefur komið í fréttum Skessuhorns.

Undanfarin tvö fiskveiðiár hafa verið stundaðar veiðar á síld í reknet í Breiðafirði að haustlagi og fyrri hluta vetrar. Komið hefur í ljós að þær eru kærkomin viðbót við fjölbreytileika íslensks sjávarútvegs. Síldveiðar bæði stórra og smárra báta í Breiðafirði nú í haust hafa gengið vel, umgengni við auðlindina batnað og þá virðist sýking í síldinni heldur á undanhaldi.

Í tilkynningu frá ráðuneytinu vegna viðbótarúthlutunar segir m.a. að á fiskveiðiárunum 2010/11, 2011/12 og 2012/13 sé heimilt að úthluta sérstaklega 2.000 tonnum af íslenskri síld hvert ár. Við samþykkt heimildarinnar var við það miðað að á hverju fiskveiðiári væru til ráðstöfunar 500 tonn af 2.000 tonnum til framangreindra veiða með reknet en það sem eftir stæði var ætlað á móti óhjákvæmilegum meðafla við makrílveiðar stærri skipa. Heimildin hvað reknetaveiðarnar snertir hefur ekki verið að fullu nýtt samtals þessi þrjú fiskveiðiár þannig að því gefist möguleiki á að bæta 300 tonnum við sem lokaúthlutun á fiskveiðiárinu 2012/13.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is