Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
11. desember. 2012 05:18

Regína Ásvaldsdóttir ráðin bæjarstjóri Akraness

Á fundi bæjarstjórnar Akraness nú síðdegis í dag var samþykkt einróma að ganga til samninga við Regínu Ásvaldsdóttur um að taka við starfi bæjarstjóra á Akranesi. Kemur hún til starfa um miðjan janúar og flyst þá á Akranes ásamt eiginmanni sínum Birgi Pálssyni sem gegnir starfi deildarstjóra hjá Advania. Þau eiga þrjár uppkomnar dætur. Regína verður jafnframt fyrsta konan til að gegna starfi bæjarstjóra í 70 ára kaupstaðartíð Akraness. Regína Ásvaldsdóttir er félagsráðgjafi að mennt með framhaldsnám í opinberri stjórnsýslu og meistaragráðu í breytingastjórnun og nýsköpun frá viðskipta- og hagfræðideild Háskólans í Aberdeen í Skotlandi. Hún er framkvæmdastjóri Festu, miðstöðvar um samfélagsábyrgð fyrirtækja. Regína hefur margra ára reynslu sem stjórnandi á vettvangi sveitarstjórnarmála og hefur stýrt umfangsmiklum stjórnkerfisbreytingum á vegum Reykjavíkurborgar.

Regína var skrifstofustjóri og síðar staðgengill borgarstjórans í Reykjavík árin 2008 til 2011, sviðsstjóri þjónustu- og rekstrarsviðs Reykjavíkurborgar 2005 til 2007, verkefna- og breytingastjóri á þróunarsviði Reykjavíkurborgar 2002 til 2005, framkvæmdastjóri Miðgarðs, þjónustumiðstöðvar í Grafarvogi 1997 til 2002 og félagsmálastjóri á Sauðárkróki 1995 til 1997. Regína er stundakennari í meistaranámi í opinberri stjórnsýslu við Háskóla Íslands og við viðskiptafræðideild Háskólans á Bifröst.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is