Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
19. desember. 2012 09:01

Fjölskylda býður til tónleika í Borgarnesi í kvöld

Söngfjölskylda úr Borgarnesi heldur jólatónleika í Borgarneskirkju í kvöld, miðvikudagskvöldið 19. desember kl. 20:30. Hjónin Theodóra Þorsteinsdóttir og Olgeir Helgi Ragnarsson ásamt dætrunum Sigríði Ástu og Hönnu Ágústu munu syngja jólalög frá ýmsum tímum og löndum við undirleik Ingibjargar Þorsteinsdóttur píanóleikara. Theodóra er skólastjóri Tónlistarskóla Borgarfjarðar, söngkennari og söngkona. Hún stundaði söngnám við Söngskólann í Reykjavík og í Vínarborg og hefur víða komið fram sem söngkona. Olgeir Helgi stundaði m.a. söngnám við Tónlistarskóla Borgarfjarðar. Systurnar eru báðar í söngnámi við Söngskólann í Reykjavík.

Ingibjörg stundaði tónlistarnám við Tónlistarskólann í Reykjavík og einnig í Englandi. Hún starfaði til margra ára við Tónlistarskóla Borgarfjarðar og Tónlistarskóla Stykkishólms. Hún kennir nú við Tónlistarskóla Hafnarfjarðar. Theodóra og Ingibjörg hafa starfað saman frá árinu 1982 og eru því einnig tímamót í samstarfi þeirra.Þær hafa haldið fjölda tónleika saman og komið fram saman bæði hér á landi og erlendis.

 

„Við fjölskyldan höldum nú í fyrsta sinn saman tónleika. Við höfum sungið oft og mikið saman og nú fannst okkur komið tækifæri til að halda saman tónleika. Við höfum öll verið saman í nokkrum verkefnum, við sungum öll í uppsetningu Tónlistarskóla Borgarfjarðar á Sígaunabaróninum eftir Johann Strauss á 40 ára afmæli skólans. Einnig fórum við fjölskyldan með Óperukórnum í Reykjavík til New York og sungum „Carmina Burana“ eftir Carl Orff í Carnegie Hall árið 2008 undir stjórn Garðars Cortes. Við munum nú flytja fjölbreytta dagskrá; byrjum á íslenskum lögum, síðan syngjum við jólalög frá Evrópu og Ameríku og endum á hátíðlegum jólalögum. Aðgangur verður ókeypis og allir eru hjartanlega velkomnir í kirkjuna okkar í kvöld" segir söngfjölskyldan úr Borgarnesi.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is