Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
27. desember. 2012 02:05

Flugeldar seldir víða á Vesturlandi

Björgunarsveitir á Vesturlandi munu að venju selja íbúum landshlutans flugelda fyrir áramótin. Íslendingar eru að jafnaði með sprengiglaðari þjóðum heims og ekki skemmir fyrir að með kaupum á flugeldum eru björgunarsveitir okkar, sem sinna gífurlega mikilvægu starfi víðsvegar um landið, styrktar og hefur flugeldasala verið helsta fjáröflun sveitanna um margra ára skeið. Auk björgunarsveitanna er eitthvað um að íþróttafélög og jafnvel einstaklingar selji flugelda.

 

Skessuhorn aflaði upplýsinga um flugeldasöluna hjá nokkrum söluaðilum Landsbjargar:

 

 

 

 

Á Akranesi mun Björgunarfélag Akraness selja flugelda í húsnæði sínu að Kalmansvöllum 2 og hefst salan föstudaginn 28. desember klukkan 10 og stendur til kl. 22. Um helgina verður opnunartíminn sá sami og á gamlársdag verður opið frá kl. 13-18. Laugardaginn og sunnudaginn fyrir þrettándann verður opið frá klukkan 13-18.

 

Í Borgarbyggð eru björgunarsveitirnar Brák og Heiðar sameiginlega með flugeldasölu að Sólbakka 2 í Borgarnesi. Þar opnar fyrst föstudaginn 28. desember og verður opið frá kl. 16-22. Um helgina 29. og 30. desember verður opið frá kl. 12-22 og á gamlársdag frá kl. 12-16. Þann 6. janúar verður einnig opið frá kl. 12-16. Björgunarsveitin Ok í Borgarfirði mun einnig selja flugelda á sínu starfssvæði í Borgarfirði, nánar tiltekið bæði á Hvanneyri og í Reykholti. Í Bútæknihúsinu á Hvanneyri opnar flugeldasala sveitarinnar laugardaginn 29. desember og verður opið kl. 14-18, á sunnudeginum verður opið kl. 12-22 og á gamlársdag kl. 11-15. Einnig verður flugeldasala á vegum Oks í Þorsteinsbúð í Reykholti sem opnar laugardaginn 30. desember kl. 12-22. Á gamlársdag verður opið kl. 11-15.

 

Björgunarsveitin Elliði mun vera með flugeldasölu í húsnæði sínu í Laugagerði á Snæfellsnesi. Þar verður opið 28.-30. desember frá kl. 10-20. Í Snæfellsbæ verður flugeldamarkaður Lífsbjargar í björgunarstöðinni Von í Rifi. Þar verður opnað föstudaginn 28. desember frá kl. 13-22 og verður opnunartíminn sá sami á laugardaginn. Á sunnudeginum verður opið frá kl. 10-22 og á gamlársdag verður opið frá kl. 10-16. Einnig verður flugeldasalan opin kl. 10-18 þann 6. janúar, á þrettándanum.

Í Grundarfirði mun Björgunarsveitin Klakkur verða með flugeldasölu í húsnæði sínu og hefst hún föstudaginn 28. desember kl. 14 og til 22. Um helgina verður opið frá kl. 10-22 og kl. 10-16 á gamlársdag.

 

Björgunarsveitin Berserkir opnar flugeldasölu sína í Stykkishólmi föstudaginn 28. desember frá kl. 13-22, sem er sami opnunartími og verður um helgina. Á gamlársdag verður opið kl. 10-15 og 6. janúar opnar klukkan 13.

 

Í Dalabyggð verður flugeldasala Björgunarsveitarinnar Óskar í húsnæði sveitarinnar að Vesturbraut og opnar þar föstudaginn 28. desember kl. 15 og er opið til kl. 20. Á laugardaginn er opið kl. 14-20, á sunnudaginn 14-22 og á gamlársdag kl. 10-15. Þann 6. janúar verður flugeldasalan opin kl. 14-18.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is