Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
04. janúar. 2013 06:15

Gáfu Laugargerðisskóla á Snæfellsnesi fimmtán spjaldtölvur

„Á þessum tíma árs er ekki óalgengt að gjafmildir sveinar séu á ferðinni og við í Laugargerðisskóla fengum heldur betur að kynnast því þetta árið,“ segir Kristín Björk Guðmundsdóttir skólastjóri. Þann 11. desember sl. kom Bryndís Guðmundsdóttir framkvæmdastjóri Miðhrauns ehf. færandi hendi í Laugargerðisskóla. Bryndís og Sigurður maður hennar færðu skólanum að gjöf 15 iPad spjaldtölvur til notkunar fyrir nemendur mið- og elsta stigs skólans. Hafði Bryndís á orði við afhendinguna að henni hefði alltaf þótt vænt um skólann sinn þar sem hún og hennar börn hefðu hlotið sína grunnskólamenntun, en yngsta barnið á Miðhrauni er ennþá í skólanum.

Kristín Björk skólastjóri segir þetta stórhöfðinglega gjöf frá Miðhrauni. „Hún gerir okkur kleift að auka fjölbreytnina í kennslunni með nýjum kennsluaðferðum. Um leið kynnast börnin okkar helstu tækninýjungum í upplýsingatækni sem nýtast auðvitað við kennslu í nær öllum greinum. En þetta er ekki eina gjöfin sem skólinn hefur fengið á þessu skólaári. Í haust styrkti stjórn Múlavirkjunar okkur rausnarlega og var styrkurinn notaður til að kaupa ný borð og stóla fyrir 9. og 10 bekk. Fyrir voru nýleg borð og stólar fyrir nemendur í 1.-8. bekk. Leikskóladeildin naut líka góðs af þessum styrk og fékk nýjan skúffuskáp og Legó bóndabæ sem nýtur ómældra vinsælda. Eggert Kjartansson á Hofstöðum færði okkur þetta fyrir hönd stjórnar virkjunarinnar og hafði á orði að hún vildi styrkja það sem vel væri gert. Rekstur lítilla skóla er sveitarfélögum oftast erfiður og því skipta þessar gjafir skólann miklu máli. Það er ekki síður ómetanlegt að finna þann hlýhug og velvilja í garð skólans sem gjafirnar sýna,“ segir Kristín Björk Guðmundsdóttir skólastjóri í Laugargerðisskóla.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is