Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
04. janúar. 2013 10:01

Styttist í Þorrablót Skagamanna

Þorrablót Skagamanna fer fram 26. janúar næstkomandi með pompi og prakt. Blótið hefur notið vaxandi vinsælda meðal Akurnesinga undanfarin ár og hefur aðsókn aukist ár frá ári. Nú verður það haldið í Íþróttahúsinu við Vesturgötu vegna þessa en í fyrra var það haldið í Íþróttamiðstöðinni á Jaðarsbökkum. Það er árgangur 1971 eða „Club 71“ sem sér um skipulagningu þorrablótsins ásamt dyggum styrktaraðilum. Fjöldi skemmtiatriða verða á dagskrá blótsins þar sem hæst ber söngur karlakórsins Pungs og kvennakórsins Skauts. Ræðumaður kvöldsins verður Jakob Þór Einarsson en hann verður jafnframt veislustjóri. Hljómsveit kvöldsins verða Helgi Björns og Reiðmenn vindanna. Rúsínan í pylsuendanum er þó eflaust annáll sem fulltrúar árgangs 1972 sjá um.

Í samtali við Skessuhorn sagðist Sigríður Indriðadóttir, fulltrúi annálaskrifara, lofa eftirminnilegum annáli. „Við munum koma öllu því til helsta skila sem gerðist á Akranesi á síðasta ári en vægast sagt þá var mikið í fréttum í bænum. Við verðum þó tiltölulega sanngjörn í okkar frásögn en stefnum á að vera skemmtileg og að poppa síðasta ár aðeins upp,“ sagði Sigríður. Auk hennar eru í annálanefnd þeir Heimir Fannar Gunnlaugsson og Valgarður Lyngdal Jónsson. „Ég vil hvetja alla Skagamenn til að fjölmenna á þorrablótið og halda áfram að búa til þessa skemmtilegu hefð,“ bætti hún við hress í bragði.

 

Miðasala á þorrablótið hefst fimmtudaginn 10. janúar nk. og fer fram í útibúi Íslandsbanka á Akranesi en miðar eru einungis seldir í forsölu.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is