Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
06. janúar. 2013 12:32

Kristinn H Gunnarsson genginn til liðs við Dögun

Kristinn H. Gunnarsson fyrrum alþingismaður gekk til liðs við hin nýju stjórnmálasamtök Dögun nú um áramótin. Í samtali við fréttavefinn BB á Ísafirði staðfestir Kristinn að ef af framboði hans kemur muni hann gefa kost á sér í fyrsta sæti fyrir flokkinn í Norðvesturkjördæmi. Kristinn segir málefnaundirbúning Dögunar kominn töluvert langt á leið og líst vel á það sem komið er. Vísar hann þá til umræðu um sjávarútvegsmál, byggðamál og breytingar á stjórnskipan landsins. Efnahagsmálin segir hann þó vera enn í málefnaundirbúningi hjá Dögun. „Það er ófrágengið að ljúka efnahagsmálunum og ég ákvað að ganga þarna inn á þessum tímapunkti til að koma að því að móta þau því framboð sem ætlar að ná árangri verður að hafa raunhæfa áætlun í efnahagsmálum,“ segir Kristinn í samtali við BB.

 

 

 

 

Með inngöngu í Dögun er Kristinn þar að ganga til liðs við fjórða stjórnmálaflokkinn frá því hann hóf afskipti af landsmálum. Ef af framboði hans mun koma verður það í sjöunda skipti sem hann býður fram til Alþingis. Í fyrstu var hann þingmaður Alþýðubandalagsins, síðan Framsóknarflokks og loks bauð hann sig fram fyrir Frjálslynda flokkinn, en fleiri félagar úr síðastnefnda flokknum koma að stofnun Dögunar, þar á meðal Guðjón Arnar Kristjánsson formaður FF. „Þetta yrði fjórði flokkurinn. Stundum er það þannig með þessa flokka að þeir eiga það til að skipta um eðli og áherslur. Sami flokkurinn getur verið búinn að ganga í gegnum sjálfan sig tvisvar til þrisvar eins og Framsókn og Sjálfstæðisflokkurinn hafa gert. Síðan er maður sjálfur alltaf með sömu áherslumálin,“ sagði Kristinn í samtali við BB.is

 

Sjá nánar frétt BB HÉR

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is