Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
07. janúar. 2013 11:01

Skallagrímsmenn sigruðu topplið Þórs

Tvö mikilvæg stig komu í hús þegar lið Skallagríms sigraði topplið Þórs frá Þorlákshöfn á útivelli í Dominos deild karla í körfubolta á föstudaginn. Þórsarar höfðu undirtökin í leiknum mest allan tímann en með góðum leik náðu Borgnesingar að ganga á lagið, ná forystunni og sigra í leiknum. Borgnesingar byrjuðu afleitlega og skoruðu einungis átta stig í fyrsta leikhluta gegn 20 stigum heimamanna. Saman dró með liðunum í öðrum leikhluta og var staðan í hálfleik 39:30. Borgnesingar gengu enn á forskot Þórsara í þriðja leikhluta og náðu að minnka muninn í tvö stig áður en hann var allur, 56:54. Gangur leiksins var Skallagrímsmönnum í hag og náði hægt en sígandi áhlaup þeirra hámarki í lokaleikhlutanum. Þegar rúmlega tvær mínútur voru eftir náðu gestirnir forystunni og héldu henni til leiksloka. Lokastaðan var 72:76.

 

 

 

Stigahæstur Borgnesinga var Carlos Medlock með 22 stig en á eftir honum kom landi hans Hamin Quaintance með 17 stig og 19 fráköst. Páll Axel Vilbergsson átti góðan leik og skoraði 15 stig og hirti 9 fráköst og þá skoraði Sigmar Páll Egilsson 9 stig. Einnig skoruðu Hörður Hreiðarsson 7 stig, Orri Jónsson 4 og Davíð Ásgeirsson 2. Ljóst er að Borgnesingar eru hvergi af baki dottnir í Dominos deildinni og náðu þeir með sigrinum að hífa sig upp í sjöunda sætið með átta stig.

 

Næsti leikur liðsins fer fram á fimmtudaginn gegn Tindastóli og verður spilaður á Króknum. Á sunnudaginn verður loks heimaleikur Skallanna þegar þeir fá KFÍ í heimsókn í Borgarnes.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is