Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
17. janúar. 2013 11:23

Jón Ólafur bestur í fyrri hluta mótsins

Úrvalslið karla í fyrri hluta Domino‘s deildarinnar í körfuknattleik var tilkynnt af Körfuknattleiks-sambandi Íslands í gær. Jón Ólafur Jónsson í Snæfelli var valinn besti leikmaðurinn en ásamt honum voru í úrvalsliðinu Justin Shouse Stjörnunni, Samuel Zeglinski Grindavík, Darrel Lewis Keflavík og Marvin Valdimarsson Stjörnunni. Besti þjálfarinn var Benedikt Guðmundsson hjá Þór Þorlákshöfn, besti dómarinn Sigmundur Már Herbertsson og þá hlaut Sigmar Egilsson hjá Skallagrími sérstök verðlaun en hann var valinn dugnaðarforkurinn í umferðinni.

 

 

 

 

 

Í samtali við Skessuhorn segir Jón Ólafur mikinn heiður fylgja því að vera valinn bestur í deildinni en viðurkenninguna þakkar hann góðum æfingum og liðsheild. „Árangur liðsins hefur verið nokkuð góður í þessari umferð en við eigum að geta bætt okkur enn meira og rifið leik okkar á hærra plan fyrir komandi átök. Deildin er mjög jöfn og liðin í neðri hluta deildarinnar geta öll unnið liðin í efri hlutanum,“ segir Jón Ólafur en Snæfell deilir efsta sætinu með Þór Þorlákshöfn, Grindavík og Stjörnunni. Aðspurður um persónuleg markmið fyrir komandi umferð segist Jón Ólafur ætla að halda áfram á sömu nótum og leggja áherslu á að vinna leiki.

 

Næsti leikur Snæfells er einmitt heimaleikur í kvöld, fimmtudag, gegn Grindavík. „Þetta verður hörkuleikur. Grindavík spilar góða sókn og hefur töluverða breidd. Við þurfum því að eiga mjög góðan leik í kvöld til þess að leggja þá af velli,“ segir Jón Ólafur, besti leikmaður Domino‘s deildarinnar, að lokum.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is