Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
18. janúar. 2013 10:28

Brotlending hjá Skallagrími í Njarðvík

Eftir gott gengi hjá Skallagrímsmönnum í Dominosdeildinni á nýju ári mættu þeir kraftlitlir og áhugalausir í ljónagryfjuna í Njarðvík í gærkvöldi, án Páls Axels Vilbergssonar sem enn á við meiðsli að stríða. Ekki bætti úr skák að heimamenn voru í einstöku skotstuði þetta kvöld, settu niður 21 þriggja stiga skot sem er met í deildinni. Niðurstaðan var því algjör brotlending fyrir Borgnesingana sem töpuðu með miklum mun, 70:107.  Njarðvíkingar voru komnir í 16:4 þegar fyrsti leikhluti var hálfnaður en þá var Pálma Þór þjálfara nóg boðið og kallaði sína menn á Borgarnesbekkinn. Gestirnir náðu hægt og bítandi að saxa á muninn og staðan var 28:18 að loknum fyrsta leikhluta. Skallagrímsmönnum tókst illa að bregðast við vörn Njarðvíkinga og munurinn jókst að nýju. Tuttugu stig skildu liðin í hálfleik, 56:36.

Tilraun gestanna að ná að snúa leiknum með svæðisvörn í seinni hálfleiknum brást og áfram gengu heimamenn á lagið. Fljótlega klufu Njarðvíkingar 30 stiga muninn og það var nánast formsatriði hjá þeim að klára leikinn eftir að staðan var orðin 85:48 að loknum þriðja leikhluta.

 

Stig Skallagríms skoruðu Carlos Medlock 20, Haminn Quaintance 20, Hörður H. Hreiðarsson 19, Davíð Ásgeirsson 6, Sigmar Egilsson 3 og Trausti Eiríksson 2. Hjá Njarðvík var Orri Ágústsson stigahæstur með 27.

 

Næsti leikur Skallagríms í Dominosdeildinni verður í Fjósinu nk. fimmtudagakvöld þegar Fjölnismenn úr Grafarvogi koma í heimsókn.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is