Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
25. janúar. 2013 06:15

Samningar langt komnir með sölu á gamla Heiðarskóla

Að undanförnu hefur verið unnið að samningum um sölu á skólahúsnæði í Leirársveit, sem fram á vorið 2011 var til afnota fyrir Heiðarskóla, en ný skólabygging var tekin í notkun um haustið. Það er austurríska félagið Latona Asset Management, með rússneskri og íslenskri aðkomu, sem er að semja um kaup á gömlu skólabyggingunni af Hvalfjarðarsveit. Ludmíla Pála Ermolinski talsmaður félagsins segir að samningagerð gangi vel og vonast til að samningar verði undirritaðir á næstunni. Hún segir félagið hafa mætt góðu viðmóti í Hvalfjarðarsveit og samningarnir séu unnir á vinsamlegum og góðum grunni. Umrætt félag fyrirhugar að nýta húsnæðið sem áður hýsti Heiðarskóla sem alþjóðlegt vísinda, menningar- og menntasetur fyrir fólk í tölvu- og tölvuleikjageiranum.

Ludmíla segir aðstandendur félagsins meta að umhverfið í Leirársveit, falleg náttúra og sýn til fjalla og sjávar, sé ákjósanlegt fyrir þá starfsemi sem fyrirhuguð er í setrinu. Húsnæðið verði innréttað upp á nýtt og einnig er áformað að aukið verði við gróður á lóð við gamla skólahúsið, auk þess sem félagið hefur hug á að kaupa litla landspildu til viðbótar í næsta nágrenni. Laufey Jóhannsdóttir sveitarstjóri Hvalfjarðarsveitar segir að þegar sé hafin vinna við að gera gamla skólahúsnæðið tilbúið til afhendingar, með tilliti til óska væntanlegra kaupenda.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is