Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
01. febrúar. 2013 10:01

Verið að setja upp ljósnetið á Akranesi

Akranes er á meðal 53 staða sem fá ljósnet frá Símanum á þessu ári. Auk Akraness er þegar unnið að því að uppfæra netið í Keflavík og Njarðvík. Eftir fylgja fimmtíu staðir víðsvegar um landið. Í tilkynningu frá Símanum segir að ljósnet þýði meiri hraða, öflugra net og bætta sjónvarpsþjónustu fyrir þúsundir landsmanna sem eru í viðskiptum við Símann. Þar á meðal sjónvarpsútsendingar í háskerpu og tímaflakk, sem gerir fólki kleift að horfa á sjónvarpsdagskrána sólarhring aftur í tímann. Nú þegar geti 62 þúsund fjölskyldur nýtt ljósnetið og stefnir Síminn að því að heimilin verði 100 þúsund um mitt ár 2014.

Sævar Freyr Þráinsson, forstjóri Símans, segir fyrirtækið mjög stolt af því að geta boðið ljósnetsþjónustuna utan höfuðborgarinnar. „Ljósnetið hefur fengið frábærar viðtökur þar sem það er í boði. Við höfum verið í góðu sambandi við forsvarsmenn fjölmargra sveitarfélaga undanfarna mánuði og það er greinilega mikill áhugi á að fá kraftmeiri tengingar og aðgang að fullri sjónvarpsþjónustu á sjónvarpi Símans.“ Sævar Freyr segir að vegna þess hve vel landsmenn hafa tekið ljósnetinu hafi verið ákveðið að hraða uppbyggingu þess á landsbyggðinni. „Við vitum hve mikilvægt er fyrir sveitarfélög landsins að sitja ekki eftir á tækniöld, því fjarskipti skipa lykilsess í grósku samfélaga og farsæld fyrirtækja. Við gerum því okkar besta svo fjarskiptin stýri ekki byggðaþróuninni í landinu heldur skapi tækifæri fyrir landsmenn að hasla sér völl þar sem þeir vilja helst,“ segir Sævar Freyr Þráinsson forstjóri Símans. Auk Akraness eru Stykkishólmur, Ólafsvík, Grundarfjörður og Búðardalur á lista þeirra þéttbýlisstaða sem áætlað er að fái ljósnetið á árinu.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is