Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
31. janúar. 2013 10:12

Tryggingasamningar undirritaðir

Skömmu eftir hádegið í gær voru undirritaðir samningar um vátryggingar til næstu fjögurra ára milli Tryggingamiðstöðvarinnar annars vegar og Akraneskaupkaupstaðar og stofnana hans hins vegar, þar á meðal dvalarheimilisins Höfða. Það voru Þóroddur Sigfússon forstöðumaður atvinnurekstrar & erlendra viðskipta hjá Tryggingamiðstöðinni, Regína Ásvaldsdóttir bæjarstjóri og Guðjón Guðmundsson framkvæmdastjóri Höfða sem undirrituðu samningana. Þeir tóku reyndar gildi um síðustu áramót en af ýmsum ástæðum hafði undirritun tafist. Eftir að Akraneskaupstaður og tengdar stofnanir höfðu tryggt og verið með samning við Vátryggingarfélag Íslands, og forvera þess félags í áratugi, voru tryggingar bæjarins settar í útboð á síðasta ári. Hjúkrunar- og dvalarheimilið Höfði hafði hins vegar verið með tryggingar sínar hjá Sjóvá sl. 35 ár.  Tilboð Tryggingamiðstöðvarinnar var metið hagkvæmast í þessu sameiginlega útboði.

Um er að ræða ábyrgðartryggingar vegna atvinnurekstrar, ökutækjatryggingar, vinnuvélatryggingar, tryggingar vegna fasteigna, lausafjártryggingar, launþegatryggingar, nemendatryggingar og almennar slysatryggingar. Samningurinn gildir frá og með 1. janúar 2013 til og með 31. desember 2016 með heimild til framlengingar í allt að tvö ár. Aðaltengiliður TM á Akranesi er Halldór Jónsson en skrifstofa TM er að Dalbraut 1.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is