Forsíða
Auglýsing
Rss straumur af fréttum frá Skessuhorni
Lágnætti. Fjórði Þórsdagur í Tvímánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
06. febrúar. 2013 12:08

Kominn vertíðarbragur í bolfiskinum við Snæfellsnes

„Nú getur maður sagt að kominn sé vertíðarbragur á veiðarnar. Netabátarnir komust í 25 tonnin eftir nóttina þegar þeir lönduðu fyrir helgina. Það er greinilegt að veiðin er heldur að aukast. Núna virðist þorskurinn vera að koma í meira mæli á miðin og ýsan að minnka. Það er einmitt það sem menn voru að vonast eftir að gerðist,“ segir Páll Valdimarsson hafnarvörður í Rifi. Páll segir að veiðar hafi gengið ágætlega að undanförnu og gæftir verið þokkalegar sérstaklega í síðustu viku. Um tuttugu bátar leggja nú upp í Rifi og reiknað er með nokkrum til viðbótar á vertíðina, aðallega bátum frá Grindavík.

Þórður Björnsson hafnarvörður í Ólafsvík segir ágætt fiskirí hafa verið í netin og á línuna og þokkalegt í dragnótina. Margir eigi þó við það vandamál að glíma að ýsukvótinn sé að verða búinn og það sé ekki gott þegar langt er eftir af vertíðinni. „Mér sýnist að þeir verði að auka ýsukvótann, það er svo lítið eftir hjá sumum. Þó að þorskurinn hafi verið að aukast er ýsuhlutfallið í aflanum enn of mikið,“ segir Þórður. Hann segir að rúmlega tuttugu bátar leggi upp í Ólafsvík, þar af nokkrir aðkomubátar vestan að, m.a. frá Patreksfirði, og von sé á fleirum. Guðmundur Ívarsson hafnarvörður á Arnarstapa sagði að þar leggðu upp að staðaaldri þrír netabátar og einn línubátur. „Sumir vilja bara vera hérna, en svo koma fleiri hingað ef vindáttin er hagstæðari hér og leita vars,“ segir Guðmundur. Hann segir bæði veiðar og gæftir hafa verið ágætar að undanförnu.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is