Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
08. febrúar. 2013 08:01

Nýtt endurskoðunarfyrirtæki með starfsstöð á Vesturlandi

Á næstunni mun Þorvaldur T Jónsson hætta störfum sem rekstrarstjóri Landbúnaðarháskóla Íslands og hefja störf hjá BDO, sem er endurskoðunar- og bókhaldsfyrirtæki. Fyrirtækið hefur undanfarin ár verið að hasla sér völl á höfuðborgarsvæðinu og hefur tengingu við BDO International Limited sem er net sérfræðifyrirtækja um allan heim. Starfsstöð fyrirtækisins í Borgarnesi er að Borgarbraut 61. Þorvaldur er einn af eigendum BDO og fyrirtækið hefur einnig þá vestlensku tengingu að annar úr eigendahópnum og jafnframt framkvæmdastjóri er Þorlákur Björnsson fyrrverandi kennari á Bifröst. 

„Við veitum alla almenna þjónustu við einstaklinga og fyrirtæki í bókhaldi, endurskoðun, rekstrarráðgjöf, skattaráðgjöf o.s.fv. Mér finnst þetta spennandi og hentar mér ágætlega að breyta til og fara í þessa vinnu,“ segir Þorvaldur sem hefur verið rekstrarstjóri á Hvanneyri frá stofnun Landbúnaðarháskóla Íslands 1. janúar 2005. „Ég er búinn að vera átta ár á Hvanneyri og þetta hefur verið skemmtilegur en krefjandi tími á mótunarárum Landbúnaðarháskólans,“ segir Þorvaldur. Hann hefur mikla reynslu af störfum við ráðgjafarþjónustu og setið í stjórnum ýmissa fyrirtækja, m.a. Byggðastofnunar, Kaupfélags Borgfirðinga og Samkaupa. Um tíma var hann bæjarfulltrúi Framsóknarflokksins í Borgarbyggð og varaþingmaður flokksins í Vesturlandskjördæmi. Þorvaldur er frá Hjarðarholti í Stafholtstungum þar sem hann býr og rekur búskap í smáum stíl.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is