Forsíða
Auglýsing
Rss straumur af fréttum frá Skessuhorni
Lágnætti. Fjórði Þórsdagur í Tvímánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
08. febrúar. 2013 06:45

Einungis tveir styrkir til uppbyggingar ferðamannastaða af 44 fara á Vesturland

Í síðustu viku var kynnt úthlutun styrkja úr Framkvæmdasjóði ferðamannastaða, fyrsta úthlutunin af þremur á þessu ári. Alls fengu 44 verkefni styrki og nam heildarstyrkupphæðin rúmlega 150 milljónum króna. Athygli vekur að einungis tvö verkefni á Vesturlandi hlutu styrki, en það var annars vegar Snæfellsbær vegna stígagerðar milli Rifs og Ólafsvíkur og hins vegar Stykkishólmsbær vegna framkvæmda í Súgandisey. Samanlagt fengu þessi verkefni tæplega sjö milljónir króna, eða um 4,5% af úthlutuðu styrkfé að þessu sinni. Í tilkynningu frá Framkvæmdasjóði segir að á næstu þremur árum muni sjóðurinn stóreflast en hann mun fá árlega 500 milljónir aukalega í tengslum við fjárfestingaáætlun ríkisstjórnarinnar til að standa fyrir viðhaldi, gróðurvernd og  uppbyggingu við ferðamannastaði.

 

 

 

 

Hæstu styrkina, eða 20 milljónir króna, fá sveitarfélagið Bláskógabyggð vegna hugmyndasamkeppni og deiliskipulagsvinnu við Geysi í Haukadal og Fornleifavernd ríkisins til að ljúka skipulags- og hönnunarvinnu og hefja uppbyggingu við Stöng í Þjórsárdal. Hveravallafélagið fær tíu milljónir króna vegna skipulags og framkvæmda á Hveravöllum, Skógrækt ríkisins 7,5 milljónir króna vegna þjónustuhúss í Þjóðskógum við Laugarvatn og Sveitarfélagið Hornafjörður 7,3 milljónir króna vegna göngubrúar og stíga við Fláajökul. Verkefnin sem hljóta styrki eru fjölbreytt og kennir ýmissa grasa. Öll eiga þau þó sameiginlegt að þeim er ætlað að stuðla að þeim markmiðum sem sett voru með stofnun Framkvæmdasjóðsins. Þar ber hæst uppbyggingu, viðhald og verndun ferðamannastaða í opinberri eigu eða á náttúruverndarsvæðum um land allt, að tryggja öryggi ferðamanna, vernda náttúru landsins og fjölga viðkomustöðum ferðamanna, svo nokkuð sé nefnt. Áberandi er hve miklu er veitt til hönnunar ferðamannastaða.

 

Tvö verkefni á Vesturlandi

Snæfellsbær fékk úthlutað 1.175 þúsund krónum til gerðar á útivistarstíg og áningarstað milli Rifs og Ólafsvíkur. Styrkurinn er til skipulags- og hönnunarvinnu. Markmið styrkveitingar er m.a. að styðja við uppbyggingu innviða fyrir náttúrutengda ferðaþjónustu í Snæfellsbæ og á Snæfellsnesi. Styrkurinn er til undirbúnings undir framkvæmdir og fellur m.a. að markmiðum um uppbyggingu á samræmdu kerfi göngu-, hjóla- og reiðleiða, svokallað Landsnet ferðaleiða, um landið.

Öllu stærri styrk fékk Stykkishólmsbær, eða 5,7 milljónir króna til framkvæmda við göngustíga, hellulögn, palla, tröppur og merkingar skv. teikningum landslagsarkitekts og samþykktri framkvæmdaáætlun í Súgandisey. Markmiðið er m.a. að byggja upp og bæta stíga, merkingar og áningarstaði í eyjunni, fegra umhverfi eyjarinnar og bæta öryggi og upplifun ferðamanna. Styrkurinn er liður í uppbyggingu EDEN gæðaáfangastaða ferðamanna.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is