Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
08. febrúar. 2013 09:22

Snæfellingar með góðan sigur á KR

Snæfell komst í annað sætið í Dominosdeildinni í gær með góðum sigri á KR þegar Vesturbæjarliðið kom í heimsókn í Hólminn. Lokatölur urðu 110:104. Topplið Grindavíkur vann á sama tíma nágranna sína í Njarðvík en liðin í þriðja og fjórða sætinu, Stjarnan og Þór, mætast í kvöld. Gestirnir byrjuðu betur í leiknum og það tók smástund fyrir heimamenn að komast af stað. Einungis munaði einu stigi á liðinum eftir fyrsta leikhluta en þá var staðan 25:24 fyrir KR. Hægt og bítandi voru heimamenn að ná tökum á leiknum, hann var jafn alveg fram að leikhléinu en þá var Snæfell komið með fimm stiga forystu 51:46. Heimamenn voru áfram afar skæðir í sókninni í seinni hálfleiknum. Enginn þó eins og Sigurður Þorvaldsson sem var afgerandi á góðum kafla í þriðja leikhluta þar sem heimamenn gjörsamlega völtuðu yfir gestina og náðu 20 stiga forskoti, 75:55. KR-ingar voru lánlausir þrátt fyrir góð skot og færi þá skoppaði boltinn of oft af hringnum og Snæfellingar náðu fráköstum. KR náði aðeins að koma sér nær áður en þriðji hluti rann út og staðan var þá 83:69 fyrir Snæfell.

KR-ingar héldu áfram að sauma að í lokafjórðungnum, en heimamenn héldu haus og voru að setja erfið skot niður. Gestirnir reyndu hvað þeir gátu, en sanngjarn Snæfellssigur varð staðreynd, eins og áður segir 110:104.

 

Hjá Snæfelli var Jay Threatt atkvæðamestur með 24 stig og 11 stoðsendingar, ásamt Sigurði Þorvaldssyni með 24 stig. Jón Ólafur Jónsson kom næstur með 19 stig, Ryan Amoroso 17 stig og 12 fráköst, Sveinn Arnar Davíðsson og Hafþór Ingi Gunnarsson 10 stig hvor og Ólafur Torfason og Pálmi Freyr Sigurgeirsson 3 hvor.

 

Snæfell mættir næst Ísfirðingum vestra á sunnudaginn.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is