Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
11. febrúar. 2013 02:19

Skagfirðingar voru Borgnesingum erfiðir

Lið Skallagríms tapaði í gærkvöldi á heimavelli gegn Tindastóli úr Skagafirði í úrvalsdeild karla í körfuboltanum. Jafnt var með liðunum í upphafi leiks en þegar leið á leikhlutann náðu gestirnir sjö stiga forystu og leiddu að leikhlutanum loknum 21:14. Til að gera langa sögu stutta héldu Tindastólsmenn forystunni allan leikinn og áttu Skallagrímsmenn sannast sagna engin tromp á hendi í leik sínum til að snúa leiknum sér í hag. Mestur fór munur liðanna í átján stig í síðari hálfleik. Lokatölur leiksins urðu 63:77. Ljóst er að brotthvarf Haminn Quaintance hefur skilið eftir stórt skarð í leikmannahóp Skallagríms, sérstaklega í sóknarleik liðsins.

Varnarleikur Borgnesinga var þó góður og verður ekki af þeim tekið að þeir börðust vel allan leikinn og komu í veg fyrir að forskot Tindastólsmanna var ekki meira. Það dugar þó ekki til sigurs.

Carlos Medlock var stigahæstur Borgnesinga í leiknum með 17 stig. Á eftir honum kom Hörður Hreiðarsson 12 stig og þá skoraði Páll Axel Vilbergsson 11 stig. Sigmar Egilsson var með 8, Davíð Ásgeirsson 7, Orri Jónsson 4, Birgir Þór Sverrisson 2 og Trausti Eiríksson 2.

Borgnesingar eru í áttunda sæti Dominos deildarinnar eftir leikinn með 12 stig. Þeir eiga sex leiki eftir af tímabilinu og sú staðreynd orðin ljós að hver leikur mun skipta máli ef liðið ætlar að ná sæti í úrslitakeppninni. Botninn færist einnig upp, þar sem botnlið ÍR er einungis fjórum stigum á eftir Skallagrímsmönnum. Borgnesingar eiga ekki kost á því að fá sér erlendan leikmann til að fylla skarð Quaintance þar sem félagaskiptagluggi fyrir erlenda leikmenn lokaðist um síðustu mánaðamótin. Því er enginn miðherji í hópnum af þessum sökum. Engu að síður á hið kjarnyrta spartneska spakmæli enn við: Ef sverð þitt er stutt, gakk þá skrefinu lengra. Og það geta Skallagrímsmenn gert á næstunni. Næsti leikur liðsins er gegn Grindavík á útivelli fimmtudaginn 21. febrúar.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is