Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
12. febrúar. 2013 08:01

Það sást tófa – fyrirlestur Snorra á Augastöðum í kvöld

„Það sást tófa“ er heiti á forvitnilegum fyrirlestri Snorra Jóhannessonar bónda á Augastöðum um íslenska refinn, veiðar á honum og samskipti manns og tófu. Fyrirlesturinn er hluti fyrirlestraraðarinnar, Fyrirlestrar í héraði, sem Snorrastofa í Reykholti stendur að og verður hann fluttur þar í kvöld, þriðjudaginn 12. febrúar kl. 20:30 Að sögn Snorra er heiti fyrirlestursins sótt í minningu hans frá Húsafelli fyrir margt löngu, þar sem hann dvaldi ungur. „Þegar kallað var upp á skörina, að tófa hefði sést, þurfti ekki að hafa fleiri orð um það sem framundan var á bænum.“

 

 

 

 

Snorri hefur með réttu verið bendlaður við íslenska refinn um langt skeið, stundað á honum veiðar og lifað sig inn í aðstæður hans og annarra villtra dýra í umhverfinu. Hann hefur auk þess staðið dyggan vörð um náttúru Arnarvatnsheiðar og efri hluta byggðar að henni. Segja má að Snorri í Augastöðum sé órjúfanlegur hluti þess svæðis, dyggur og óþreytandi málsvari land- og dýraverndar.

 

Í fyrirlestrinum fjallar Snorri um refinn, eðli hans og náttúru, rekur sögu refaveiða á Íslandi í lengd og bráð og varpar ljósi á stöðu þeirra í dag. Þá mega gestir á fyrirlestrinum eiga von á sögum af hans eigin veiðiferðum auk mynda, sem skýra málefnið.

 

Í lok fyrirlestursins er boðið til kaffiveitinga og að þeim loknum umræðna um málefni kvöldsins. Snorrastofa hvetur alla til að koma og njóta þess að hlusta á áhugavert málefni í meðförum þess, sem best til þekkir. Aðgangur er kr. 500.

-fréttatilkynning

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is