Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
18. febrúar. 2013 01:53

Átelja meirihlutann fyrir seinagang

Minnihluti sveitarstjórnar Borgarbyggðar átelur meirihlutann fyrir vinnubrögð sem viðhöfð voru við skipulagningu vaktþjónustu fyrir íbúa í fjölbýlishúsinu Borgarbraut 65a. Íbúar fjölbýlishússins eru allir á eftirlaunaaldri. Þetta kemur fram í bókun minnihlutans sem lögð var fram á fundi í sveitarstjórn 14. febrúar sl. þegar samningsdrög vegna vaktþjónustunnar voru samþykkt. Það var Finnbogi Leifsson sem lagði hana fram. Í bókuninni er úrlausn málsins gagnrýnd sem og verklag meirihlutans. „Algjört ráðaleysi og fálmkennd vinnubrögð hafa einkennt verklagið, en ástæðan er ágreiningur innan meirihlutans um hvernig skyldi leysa málið. Afleiðing þessa verklags er sú að umræddir íbúar hafa verið án skipulagðrar öryggisþjónustu í bráðum hálft ár. Ítrekað var óskað upplýsinga um valkosti en ekki var brugðist við því, fulltrúar minnihlutans í byggðarráði gengu í málið eftir sveitarstjórnarfund í desember, sem varð til þess að tekist hefur að ljúka málinu.“ Undir þessi bókun skrifuðu allir fulltrúar minnihlutans sem skipaður er fulltrúum Samfylkingar og Framsóknarflokks.

 

 

 

 

Þessu mótmælti meirihluti Sjálfstæðismanna og Vinstri grænna í bókun sem Ingibjörg Daníelsdóttir lagði fram. „Undirritaðir fulltrúar meirihlutans mótmæla að um ráðaleysi hafi verið að ræða, en leggja áherslu á að leitast var við að leysa málið í sátt við alla sveitarstjórn. Meirihlutinn byggði skoðun sína m.a. á áliti fagnefndar sveitarfélagsins þar sem var einhugur í málinu,“ sagði í bókun meirihlutans sem allir fulltrúar hans skrifuðu undir. Jafnframt fagnaði meirihlutinn undirrituð að lausn sé í sjónmáli íbúum til heilla. Tekið skal fram að Björn Bjarki Þorsteinsson fulltrúi Sjálfstæðismanna í sveitarstjórn tók ekki þátt í afgreiðslu málsins sökum tengsla við það.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is