Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
19. febrúar. 2013 08:01

Nýir flokkar stefna á framboð á landsvísu

Um síðustu helgi var haldinn stofnfundur Lýðræðisvaktarinnar, en hún hyggst bjóða fram í öllum kjördæmum í alþingiskosningum í vor. Verður stefnuskrá og framboðslistar flokksins kynntir síðar. Í tilkynningu frá flokknum segir að helstu markmið hans séu að koma landinu upp úr þeim efnahagslega öldudal sem það er í, lyfta því undan oki sérhagsmuna og tryggja að Alþingi samþykki nýja stjórnarskrá í samræmi við úrslit þjóðaratkvæðagreiðslunnar í haust. Á stofnfundi Lýðræðisvaktarinnar var kosið í stjórn flokksins. Vaktstjóri verður Þorvaldur Gylfason, bakvaktastjóri Sigríður Ólafsdóttir og aðalritari Þórdís Björk Sigurþórsdóttir. Meðstjórnendur eru Rannveig Höskuldsdóttir, Arnfríður Guðmundsdóttir, Árni Stefán Árnason og Lýður Árnason.

Um helgina var einnig haldinn framhaldsstofnfundur Alþýðufylkingarinnar, sem stofnuð var 12. janúar sl. Þar var samþykkt stefnuskrá samtakanna auk fjögurra ályktana. Þorvaldur Þorvaldsson var kjörinn formaður og Vésteinn Valgarðsson varaformaður auk fimm annarra félaga í framkvæmdastjórn. Alþýðufylkingin stefnir að framboði í öllum kjördæmum og sótti nýlega um listabókstafinn R. Í stefnuskrá Alþýðufylkingarinnar segir að samtökin séu baráttutæki íslenskrar alþýðu til að bæta hag sinn með því að heimta sitt úr höndum auðsstéttarinnar. Til þess sé nauðsynlegt að efla lýðræði, pólitískt og efnahagslegt sjálfstæði þjóðarinnar og vinda ofan af markaðsvæðingu sem hefur aukist á flestu sviðum undanfarna áratugi. Einnig segir að Alþýðufylkingin berjist skilyrðislaust gegn aðild Íslands að Evrópusambandinu, NATO og öðrum bandalögum heimsvaldsinna og að Ísland eigi að beita sér í þágu friðar og réttlætis á alþjóðavettvangi.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is