Forsíða
Auglýsing
Rss straumur af fréttum frá Skessuhorni
Lágnætti. Fjórði Mánadagur í Tvímánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
20. febrúar. 2013 12:52

Stofnfundur Landsbyggðarflokksins á laugardaginn

Stofnfundur Landsbyggðar-flokksins verður haldinn laugardaginn 23. febrúar næstkomandi en þar verður kjörin stjórn flokksins og bornar upp stofnsamþykktir. Þetta kemur fram í fréttatilkynningu sem flokkurinn sendi frá sér í dag. „Ætlunin er að fundurinn verði haldinn með þátttöku fólks úr öllum þremur landsbyggðarkjördæmunum þannig að fundarstaðurinn verður ekki einn heldur nokkrir staðir á landsbyggðinni sem tengjast saman yfir netið. Vinna við stefnumótun, kynningu og skipan á framboðslista fer einnig að mestu fram á samstarfsvettvangi á netinu þannig að engu máli skiptir hvar á landinu menn búa - allir eiga að geta tekið þátt. Eins og nafn flokksins gefur til kynna, mun Landsbyggðarflokkurinn setja málefni landsbyggðarinnar efst í forgangsröðun stefnumála. Stefnt er að því að bjóða fram framboðslista í nafni flokksins til næstu alþingiskosninga í landsbyggðarkjördæmunum þremur. Það mun þó að nokkru ráðast af áhuga fólks í viðkomandi kjördæmum til að vinna að framboðsmálum og er æskilegt að áhugasamir gefi sig fram sem fyrst,“ segir ennfremur.

 

 

Þá kemur fram að svo virðist sem gömlu og nýju flokkarnir ætli málefnum landsbyggðarinnar ekki mikið pláss í sínum stefnuskrám fyrir næstu kosningar sem sé kannski ekki furða hjá flokkum sem oftast eiga uppruna sinn og lögheimili á höfuðborgarsvæðinu. „Markmiðið er að Landsbyggðarflokkurinn verði einskonar byggðabandalag, grasrótarhreyfing og hagsmunasamtök almennings á landsbyggðinni sem vill skapa sér betri lífsskilyrði og njóta jafnræðis á við aðra landsmenn,“ segir í tilkynningu frá Landsbyggðarflokknum. Nánar má lesa um flokkinn á vefsíðunni www.landsbyggdin.is og á fésbókarsíðu hans.  

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is