Forsíða
Auglýsing
Rss straumur af fréttum frá Skessuhorni
Lágnætti. Fjórði Mánadagur í Tvímánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
25. febrúar. 2013 06:15

Landsbyggðarflokkurinn stofnaður á netfundi

Nýtt stjórnmálaafl, Landsbyggðarflokkurinn, var formlega stofnaður sl. laugardag og fór fundurinn fram á Internetinu. Þátttakendur voru víða af landbyggðinni. Samþykkt var að kjósa bráðabirgðastjórn fram að framhaldsstofnfundi sem haldinn verður innan tveggja vikna frá stofnfundinum. Magnús Hávarðarson á Ísafirði var í hópi þeirra sem beittu sér fyrir stofnun flokksins og var hann jafnframt kosinn í bráðabirgðastjórnina ásamt þeim Gunnari Smára Helgasyni á Siglufirði, Hauki Má Sigurðssyni á Patreksfirði, Árna Björnssyni á Egilsstöðum og Ylfu Mist Helgadóttur á Bolungarvík. Í fréttatilkynningu frá Landsbyggðarflokknum segir að hlutverk bráðabirgðastjórnarinnar verði að vinna frekar að samþykktum og stjórnmálayfirlýsingum flokksins og framboði hans til alþingiskosninga á komandi vori.

 

 

 

Á stofnfundinum var jafnframt samþykkt áskorun til stjórnvalda um samgöngumál: „„Landsbyggðarflokkurinn skorar á Alþingi Íslendinga að setja strax lög um flýtiframkvæmdir á þeim vegum sem hafa orðið útundan í samgönguframkvæmdum undanfarinna áratuga og eru svo illa úr garði gerðir að þeir þola ekki eðlilega vöruflutninga. Það felst mikil skerðing á lífsgæðum íbúanna að búa við slíkt ástand og mikil samkeppnishindrun fyrir fyrirtæki sem háð eru flutningi um slíka vegi. Nú þegar stofnfundur Landsbyggðarflokksins stendur yfir er heill landsfjórðungur, Vestfirðir, lokaðir eðlilegum vöruflutningum. Einnig eru víðtækar þungatakmarkanir á Snæfellsnesi, hluta af Norðurlandi og á Austurlandi. Engar þungatakmarkanir eru í grennd við Reykjavík. Ástand þetta er ekki til komið vegna náttúrhamfara eða verulega óvenjulegra aðstæðna. Alþingi hefur látið hjá líða að veita fé til Vegagerðarinnar til þess að hún geti sinnt eðlilegu hlutverki sínu, sem er að samfélagið gangi án verulegra samgönguhindrana. Landsbyggðarflokkurinn krefst úrbóta strax.“

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is