Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
01. mars. 2013 10:24

Snæfell hafði betur gegn Keflavík

Snæfellingar heyja harðar og jafnar rimmur í Dominosdeildinni um þessar mundir, enda keppnin að harðna á báðum endum, liðin að berjast fyrir sætum í úrslitakeppnina og forðast fall. Leikur Snæfells og Keflavíkur var hnífjafn frá upphafi til enda í Hólminum í gær. Heimamenn uppskáru að lokum sigur eftir gríðarlega spennu á lokamínútunum, 79:77. Staðan í deildinni breyttist lítið í þessari umferð, Snæfell er enn í 2.-3. sæti í þéttum hópi liða við toppinn. Bæði lið fóru varfærnislega af stað og boltinn rataði lítt ofan í körfurnar á fyrstu mínútunum. Jafnt var eftir fyrsta leikhluta, 18:18. Áfram hélst leikurinn jafn og munurinn aldrei nema örfá stig. Snæfell var fjórum stigum yfir í hálfleik 44:40, eftir að Sigurður Þorvaldsson skoraði þrist á lokasekúndunum.

Snæfell byrjaði betur í seinni hálfleiknum, virtist vera að slíta sig frá gestunum með því að skora fjögur fyrstu stigin og komast í átta stiga forystu. En Keflvíkingar voru ekki á því að gefa eftir og enn var jafnt eftir þriðja leikhluta 69:69. Lokakaflinn var síðan í takt við leikinn, hnífjafn. Þegar staðan var 75:75 og 49 sekúndur eftir skoraði Ryan Amarosu tvist og úr vítaskoti að auki sem hann fékk. Keflvíkingar skoruðu tvist í næstu sókn og komust nær en síðan einkenndi taugaveiklun leik liðanna þar til Nonni Mæju hirti frákasti eftir geigað skot Craion. Nonni kom boltanum á Jay Threatt sem Valur Orri braut á. Jay setti víti niður og sekúnda lifði á klukkunni. Það var of skammur tími fyrir Keflavík og Snæfell sigraði 79:77 í æsispennandi leik.

 

Hjá Snæfelli var Ryan Amoroso stigahæstur með 25 stig, Jay Threatt 18 stig, Jón Ólafur Jónsson 11, Sigurður Þorvaldsson 9 stig, Pálmi Freyr með 6, Ólafur Torfason 5, Hafþór Ingi Gunnarsson 3 og Sveinn Arnar Davíðsson 2. Hjá Keflavík var Billy Baptist atkvæðamestur með 23 stig og 12 fráköst og Darrel Keith Lewis með 22 stig.

 

Vesturlandsslagur verður í Dominsdeildinni nk. fimmtudagskvöld þegar Skallagrímur og Snæfell mætast í Borgarnesi.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Hornabú

Grundarfjarðarbær

ATH! Breyttur tími og dagsetning stofnun Matarklasa

Grundarfjarðarbær

Sorphirða

Grundarfjarðarbær

Aðalskipulag Grundarfjarðar - tillaga

Grundarfjarðarbær

Hunda- og kattahreinsun

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is