Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
06. mars. 2013 11:51

Bráðlega ráðist í breytingar á húsnæði HVE í Stykkishólmi

Lagðar hafa verið fram fyrstu tillögur að framkvæmda- og kostnaðaráætlun vegna endurbóta og breytinga á húsnæði Heilbrigðisstofnunar Vesturlands í Stykkishólmi, áður St. Franciskusspítalanum. Við fyrirspurn sem fram kom á fundi bæjarstjórnar Stykkishólms í síðustu viku sagði Gyða Steinsdóttir bæjarstjóri að samkvæmt upplýsingum frá samstarfsnefnd um opinberar framkvæmdir munu framkvæmdir vegna breytinga á húsnæði HVE í Stykkishólmi hefjast næsta sumar. Reynt verði að koma í veg fyrir sumarlokanir sjúkrahússins vegna þeirra. Fyrirhugaður er sameiginlegur fundur á næstunni með starfsfólki HVE í Stykkishólmi með framkvæmdastjórn HVE, fulltrúum velferðarráðuneytisins og Stykkishólmsbæjar.

Til framkvæmdanna á þessu ári hefur verið veitt um 150 milljónum króna samkvæmt upplýsingum frá innanríkisráðuneytinu. Drög að framkvæmda- og kostnaðaráætlun gera ráð fyrir að framkvæmdum ljúki árið 2016, en þær fela m.a. í sér kostnaðarmestu framkvæmd sem bæjarstjórn Stykkishólms áformar að ráðast í á næstunni. Það er að sameina hjúkrunar- og dvalarrými í Stykkishólmi. Þau eru í dag rekin á tveimur stöðum og af sitthvorum aðilanum, Stykkishólmsbæ við Skólastíg og Heilbrigðisstofnun Vesturlands við Austurgötu, en það húsnæði tilheyrir HVE. Áformaðar eru endurbætur og breytingar á því húsnæði og það leysi af hólmi bygginguna sem dvalar- og hjúkrunarrýmin eru í við Skólastíg. Það er gömul heimavist og þykir ekki henta til starfseminnar auk þess sem hún þarf orðið verulegra lagfæringa við.

 

Áætlun gerir ráð fyrir að kostnaðarhluti Stykkishólmsbær við þessar framkvæmdir verði 230 milljónir króna, miðað við 5% verðbólguspá. Við Skólastíg eru átta dvalarrými og tíu hjúkrunarrými og við Austurgötu sjö hjúkrunarrými á vegum HVE. Gyða Steinsdóttir bæjarstjóri segir að ekkert liggi fyrir um hvort eftir sameiningu dvalar- og hjúkrunarrýmanna að reksturinn verði á hendi ríkis eða sveitarfélagsins, eða hvort jafnvel yrði farið hraðar í framkvæmdirnar en drög að framkvæmda- og kostnaðaráætlun gerði ráð fyrir.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Hornabú

Grundarfjarðarbær

ATH! Breyttur tími og dagsetning stofnun Matarklasa

Grundarfjarðarbær

Sorphirða

Grundarfjarðarbær

Aðalskipulag Grundarfjarðar - tillaga

Grundarfjarðarbær

Hunda- og kattahreinsun

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is