Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
07. mars. 2013 11:01

Skipuleggja íbúafund um einelti í Borgarbyggð

Tvær mæður í Borgarnesi vinna nú að skipulagningu borgarafundar um einelti sem fram á að fara í Hjálmakletti þriðjudaginn 19. mars nk. Þetta eru þær Sigrún Katrín Halldórsdóttir og Kristín Gísladóttir en báðar eiga þær börn á grunnskólaaldri í Borgarnesi. „Okkar markmið með fundinum er að vekja umræðu um einelti og mynda vakningu fyrir því að vera stöðugt á varðbergi gagnvart þessari miklu vá. Með fundinum viljum við einnig horfa til boðskapar gamla afríska máltækisins að það þurfi heilt þorp til að ala upp barn. Þannig viljum við leggja áherslu á að samfélagið allt þarf að vera samtaka í baráttunni gegn einelti. Sú barátta fer ekki einungis fram innan veggja skólanna, heldur víða í samfélaginu. Þetta viljum við að fólk hafi í huga dag frá degi. Forvarnir og umræða eru bestu aðferðirnar til að fyrirbyggja einelti og í því felst að vera vakandi fyrir eineltishættunni og afleiðingum hennar,“ sögðu þær Kristín og Sigrún í samtali við Skessuhorn.

Áhugaverð dagskrá

Dagskrá borgarafundarins verður með áhugaverðu sniði. „Fundurinn byrjar klukkan 18 með erindum tónlistarmannsins Páls Óskars Hjálmtýssonar og Magnúsar Stefánssonar frá Marita. Þeir ætla að sýna stuttmynd um æskuár Páls Óskars en hann varð fyrir einelti sem barn. Í kjölfarið munu þeir félagar ræða um myndina, áhrif eineltis og hvernig einstaklingar geta byggt sig upp á nýjan leik eftir að hafa orðið fyrir barðinu á því. Eftir erindi þeirra munu tveir fyrirlesarar stíga á svið, þau Vilborg Guðnadóttir frá BUGL og Björn Rúnar Egilsson frá Heimili og skóla.“

 

Vilja málefnalegar umræður

Borgarafundurinn eru hugsaðir fyrir alla íbúa Borgarbyggðar segja þær stöllur og vonast til að sjá sem flesta. „Þetta er fundur fyrir foreldra og forráðamenn barna á öllum aldri, ömmur, afa, frændur, frænkur og alla þá sem vinna með börnum heima og að heiman. Að auki er ætlast til þess að börn í 6.-10. bekk mæti með foreldrum sínum á fyrirlestur þeirra Páls Óskars og Magnúsar sem verður milli kl. 18 og 19. Eftir þeirra fyrirlestur og stuttmynd verður öllum boðið upp á súpu. Að því hléi loknu er ætlast til að börnin fari heim eða í Félagsmiðstöðina Óðal sem verður opin fyrir þau. Fullorðna fólkið heldur áfram að hlýða á þá fyrirlestra sem eftir eru. Að þeim loknum viljum við ná fram málefnalegum umræðum og fer það fyrirkomulag allt eftir þeim fjölda sem við fáum í hús,“ sögðu Kristín og Sigrún að endingu.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Hornabú

Grundarfjarðarbær

ATH! Breyttur tími og dagsetning stofnun Matarklasa

Grundarfjarðarbær

Sorphirða

Grundarfjarðarbær

Aðalskipulag Grundarfjarðar - tillaga

Grundarfjarðarbær

Hunda- og kattahreinsun

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is