Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
08. mars. 2013 08:01

Öryggisheimsóknir til eldri borgara

„Glöggt er gests augað“ nefnist landsátak um öryggi eldri borgara sem slysavarnadeildir innan Landsbjargar og Öryggismiðstöðin standa að sameiginlega. Á næstu vikum fá nær allir einstaklingar fæddir árið 1937 bréf og býðst þeim í framhaldinu heimsókn frá fulltrúum slysavarnadeildanna þar sem farið verður yfir öryggismál og slysavarnir á heimilinu. Samkvæmt slysaskrá Íslands verða um 75% slysa hjá eldri borgurum á eða við heimili þeirra. Flest slysanna eiga sér stað við rúmið eða á baðherberginu. Afleiðingar þessara slysa eru oft alvarlegri en hjá þeim sem yngri eru. Þau geta dregið verulega úr líkamlegri færni og sjálfsbjargargetu einstaklingsins, jafnvel svo að hann verður ófær um að búa áfram í eigin húsnæði.

 

 

 

 

„Með heimsóknunum viljum við vekja eldri borgara til vitundar um öryggismál innan heimilisins og mikilvægi byltuvarna. Við lítum á það sem samfélagslega ábyrgð okkar. Í öryggisheimsókn sjálfboðaliða slysavarnadeildanna verður farið yfir helstu öryggisatriði heimilisins og leiðbeiningar veittar. Allir sem þiggja heimsókn fá gefins reykskynjara, endurskinsmerki og límmiða með 112 númerinu til að setja á símann,“ segir í tilkynningu frá Landsbjörg.

 

Slysavarnadeildir hafa farið í sambærilegar heimsóknir í nokkrum bæjarfélögum á síðustu árum. Í því verkefni upplifðu deildirnar ríka þörf fyrir úrbætur og vitundarvakningu um öryggismál á heimilum eldri borgara. Því var ákveðið að setja af stað landsátakið „Glöggt er gests augað“ – öryggisheimsóknir til eldri borgara.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is