Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
08. mars. 2013 09:01

Skallagrímsvöllur í slæmu ástandi samkvæmt nýrri úttekt

Grassvæði Skallagrímsvallar í Borgarnesi er í slæmu ástandi. Þetta kemur fram í nýlegri úttekt á ástandi vallarins sem Haraldur Már Stefánsson golfvallafræðingur gerði fyrir Borgarbyggð. Fram kemur í úttektinni að grassvörður aðalvallar sé afar ójafn og illa farinn, að miklar skemmdir sé að finna í honum og að þær séu dreifðar um völlinn og ekki einungis bundnar við álagssvæði. Víða megi finna djúpar holur í vellinum og sár sem mynda slysahættu fyrir leikmenn og aðra notendur hans. Til að auka gæði vallarins leggur Haraldur til aðgerðaáætlun þar sem m.a. kemur fram að stunda þarf markvissari áburðargjöf, ráðast í viðgerðir á skemmdum svæðum og styrkja uppbyggingu æskilegra grasplantna í vellinum. Aðgerðaáætlunin gildir einnig um æfingasvæði Skallagrímsvallar.

 

 

 

 

„Ljóst má vera að knattspyrnusvæði Borgarbyggðar, Skallagrímsvöllur, er eitt það glæsilegasta á landinu og verðmat á svæðinu hátt (jafnvel hundruð milljóna). Með slík verðmæti í höndunum er varhugavert að sinna ekki grundvallaratriðum sem lúta að viðhaldi gæða vallarins. Því lengur sem umbætur eru dregnar því meiri verður skaðinn á vellinum og alþekkt að skipta getur þurft um gras og hluta af jarðvegi á vanhirtum grasvallarsvæðum eins og dæmi er um af bæði fótboltavöllum og golfvöllum. Það er því mín ósk að faglegur metnaður verð látinn ráða við viðhald og umhirðu vallarins,“ segir Haraldur í niðurlagsorðum úttektarinnar.

 

Úttektin var tekin fyrir á fundi tómstundanefndar Borgarbyggðar sl. miðvikudag þar sem nefndin hvetur eindregið til þess að ráðist verði í framkvæmdir samkvæmt aðgerðaáætlun úttektarinnar. Tómstundanefnd vísaði loks málinu til byggðarráðs sem fjalla mun um það á næstunni. Gróflega áætlað kostnaðarmat vegna viðgerða á Skallagrímsvelli er á bilinu 2-2,5 milljónir króna.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Hornabú

Grundarfjarðarbær

ATH! Breyttur tími og dagsetning stofnun Matarklasa

Grundarfjarðarbær

Sorphirða

Grundarfjarðarbær

Aðalskipulag Grundarfjarðar - tillaga

Grundarfjarðarbær

Hunda- og kattahreinsun

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is