Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
08. mars. 2013 10:21

Snæfell hafði betur í spennandi Vesturlandsslag

Mikil spenna var í loftinu þegar leikur Skallagríms og Snæfells hófst í Íþróttamiðstöðinni í Borgarnesi í gærkvöldi þegar 20. umferð Dominos deildar karla í körfubolta fór fram. Leikurinn fór af stað af krafti og skiptust liðin á að hafa forystu. Heimamenn voru þó ívið betri, komust yfir og héldu forskotinu fram til loka leikhlutans. Staðan að honum loknum 22:15 fyrir Skallagrími. Heimamenn byrjuðu annan leikhluta með látum og þegar fimm mínútur voru til hálfleiks voru þeir komnir fimmtán stigum yfir 35:20. Ingi Þór Steinþórsson þjálfari Snæfells tók leikhlé í þessari stöðu og las sínum mönnum pistillinn. Lestur Inga hafði tilætluð áhrif á sína menn sem náðu að minnka muninn áður en flautað var til hálfleiks. Staðan í hálfleik 39:34.

 

 

 

 

Í þriðja leikhluta dró saman með liðunum. Borgnesingar héldu forystunni framan af leikhlutanum en undir lok hans náðu gestirnir að jafna metin 60:60 eftir snarpt áhlaup. Lokaleikhlutinn reyndist síðan æsispennandi. Í upphafi hans náðu Hólmarar að komast yfir og náðu þeir sjö stiga forskoti þegar tæpar þrjár mínútur lifðu eftir af leiknum, 69:77.

 

Skallagrímsmenn bitu í skjaldarrendur eftir leikhlé Pálma Þórs Sævarssonar þjálfara og breytti stöðunni í 78:80 þegar tæp mínúta var eftir. Gestirnir héldu í sókn og fengu tvö vítaskot sem hinn stóri og stæðilegi Ryan Amaroso nýtti. Staðan því 78:82. Í næstu sókn átti sér stað umdeilt atvik. Jón Ólafur Jónsson braut á Orra Jónssyni og þar sem Skallagrímsmenn voru komnir í bónus fékk Orri tvö vítaskot. Einhverra hluta vegna fór hins vegar Carlos Medlock á vítalínuna í stað Orra og skoraði Carlos úr fyrra vítinu. Hólmarar áttuðu sig á því að rangur maður væri að taka víti og mótmæltu kröftuglega til dómara leiksins sem dæmdu vítin af heimamönnum og gestunum boltann. Snæfellingar nýttu næstu sókn sína og náðu loks að endingu að tryggja sér sigur því allur vindur virtist úr Borgnesingum eftir hið umdeilda atvik. Lokstaðan 78:85 fyrir Snæfelli.

 

Ryan Amaroso var besti leikmaður Snæfells í leiknum og skoraði hann 27 stig og tók 15 fráköst. Jay Threatt var einnig drjúgur með 21 stig. Næstir komu Jón Ólafur Jónsson með 17 stig, Sigurður Þorvaldsson 9, Hafþór Ingi Gunnarsson 4, Pálmi Freyr Sigurgeirsson 4, Sveinn Davíðsson 2 og Stefán Torfason 1.

 

Hjá Skallagrími var Carlos Medlock langstigahæstur með 31 stig. Páll Axel Vilbergsson kom næstur með 21 stig. Þá skoruðu Sigmar Páll Egilsson 7 stig, Davíð Ásgeirsson 6, Trausti Eiríksson 5, Orri Jónsson 3, Birgir Þór Sverrisson 3 og Hörður Hreiðarsson 2.

 

Með sigrinum komst Snæfell í 30 stig í Dominos deildinni og er nú við hlið Grindavíkur í toppsæti deildarinnar. Þrátt fyrir tapið er Skallagrímur hins vegar áfram í áttunda sætinu með 14 stig. Bæði lið eiga tvo leiki eftir í deildarkeppninni. Næsti leikur Snæfells er á útivelli gegn Þór Þorlákshöfn fimmtudaginn 14. mars. Sama dag eiga Skallagrímsmenn einnig útileik þegar þeir mæta KR í Vesturbænum.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Hornabú

Grundarfjarðarbær

ATH! Breyttur tími og dagsetning stofnun Matarklasa

Grundarfjarðarbær

Sorphirða

Grundarfjarðarbær

Aðalskipulag Grundarfjarðar - tillaga

Grundarfjarðarbær

Hunda- og kattahreinsun

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is