Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
11. mars. 2013 11:59

Súrt tap Snæfells á heimavelli

Kvennalið Snæfells missti af tveimur dýrmætum stigum í Dominos deildinni sl. laugardag þegar liðið tapaði fyrir Grindavík á heimavelli 73:76. Snæfell byrjaði leikinn mun betur og leiddi allan fyrsta leikhluta. Undir lok leikhlutans náðu gestirnir að saxa verulega á gott forskot heimamanna og minnkuðu muninn í tvö stig 20:18. Jafnt var með liðunum í öðrum leikhluta en þegar nær dró hálfleik komst Snæfell nokkrum stigum yfir og hafði því yfirhöndina í hálfleik 39:33. Þrátt fyrir að hafa bætt við forskot sitt í upphafi seinni hálfleiks misstu Hólmarar það niður um miðbik þriðja leikhluta og komust gestirnir þremur stigum yfir í lok hans 57:60. Grindavík hélt forystu sinni áfram í lokaleikhlutanum og virtist um tíma ætla að landa auðveldum sigri. Snæfellskonur náðu þó að vinna sig aftur inn í leikinn og komust tveimur stigum yfir þegar tæpar tvær mínútur voru eftir af leiknum. Það dugði ekki til því Grindvíkingar komust yfir aftur og uppskáru að lokum þriggja stiga sigur, 73:76.

 

 

 

Atkvæðamest í liði Snæfells var Kieraah Marlow með 21 stig en á eftir henni kom Hildur Björg Kjartansdóttir með 19 stig. Einnig skoruðu Hildur Sigurðardóttir 15 stig, Helga Hjördís Björgvinsdóttir 7, Berglind Gunnarsdóttir 6 og Rósa Indriðadóttir 5.

 

Tapið gegn Grindavík þykir nokkuð súrt í broti fyrir Snæfell þar sem Grindavíkurstelpur verma næst neðsta sæti deildarinnar með 14 stig á meðan Snæfell er í öðru sæti með 38 stig. Grindavík minnti því rækilega á sig með sigrinum. Snæfell á nú eftir þrjá leiki í Dominos deildinni. Næsti leikur liðsins fer fram á miðvikudaginn gegn Keflavík á útivelli og hefst leikurinn kl. 19:15.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Hornabú

Grundarfjarðarbær

ATH! Breyttur tími og dagsetning stofnun Matarklasa

Grundarfjarðarbær

Sorphirða

Grundarfjarðarbær

Aðalskipulag Grundarfjarðar - tillaga

Grundarfjarðarbær

Hunda- og kattahreinsun

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is