Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
12. mars. 2013 10:46

Fyrirlestur um dreifingu byggðar frá landnámi fram á okkar daga

Vífill Karlsson, sem síðastliðið haust lauk doktorsprófi í hagfræði frá Háskóla Íslands, og er Vestlendingum að góðu kunnur, heldur fyrirlestur í Snorrastofu í kvöld, þriðjudaginn 12. mars, í fyrirlestraröðinni Fyrirlestrar í héraði. Fyrirlesturinn hefst eins og venjan býður kl. 20:30 og að honum loknum eru í boði kaffiveitingar og umræður.  Vífill fjallar um sögulega hluta doktorsritgerðar sinnar. Í þeim hluta var rakin íbúaþróun og dreifing hennar á Íslandi frá landnámi fram á okkar daga eins og gögn og heimildir gefa tilefni til. Reynt var að draga fram hvernig náttúruhamfarir, veðurfar, uppbygging atvinnugreina, tækniþróun og stjórnvaldsaðgerðir höfðu áhrif á hvernig búseta dreifðist um landið. Þarna koma Svarti dauði, eldgosið í Laka og vistarbandið við sögu. Þá er þéttbýlismyndun gerð sérstök skil og farið ofan í það hvernig hún hefst í litlum byggðum en verður síðan fyrirferðarmest í Reykjavík og á höfuðborgarsvæðinu.

 

 

 

 

Vífill Karlsson starfaði við kennslu og rannsóknir á Bifröst árin 1996-2008, þar af sem aðstoðarrektor starfsárið 1999 – 2000. Frá vorinu 2000 hefur hann starfað sem atvinnuráðgjafi samhliða kennslu við háskóla. Hann hefur kennt fjölda námsgreina við Landbúnaðarháskóla Íslands frá árinu 2000 og starfar nú við Háskólann á Akureyri ásamt því að sinna atvinnuráðgjafarstarfi hjá Samtökum sveitarfélaga á Vesturlandi.

Þá er þess einnig að geta að seinna í sömu viku, laugardaginn 16. mars opnar Snorrastofa með formlegum hætti nýja sýningu, Sögu Snorra, sem unnið hefur verið að um nokkurt skeið og margir komið að, bæði heimamenn og lengra að komnir. Allir eru velkomnir að dagskrá, sem hefst í Reykholtskirkju kl. 14 af þessu tilefni. Þar mun menntamálaráðherra, Katrín Jakobsdóttir opna sýninguna.

-fréttatilkynning.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is