Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
18. mars. 2013 09:09

Vilhjálmur Egilsson ráðinn rektor Háskólans á Bifröst

Stjórn Háskólans á Bifröst hefur ráðið Vilhjálm Egilsson sem rektor háskólans og tekur hann við stjórn skólans frá 1. júlí næstkomandi. Á sama tíma lætur Bryndís Hlöðversdóttir af störfum rektors. Vilhjálmur hefur undanfarin sjö ár verið framkvæmdastjóri Samtaka atvinnulífsins og lætur af þeim störfum fyrir samtökin síðar á árinu. Skagfirðingurinn Vilhjálmur er doktor í hagfræði frá University of Southern California í Los Angeles. Hann var ráðuneytisstjóri í Sjávarútvegsráðuneytinu 2004-2006 og sat í Framkvæmdastjórn Alþjóðagjaldeyris-sjóðsins á árinu 2003. Þar áður sat hann á þingi fyrir Sjálfstæðisflokkinn í Norðurlandskjördæmi vestra frá 1991-2003. Í tilkynningu frá stjórn Háskólans á Bifröst er ráðningu Vilhjálms fagnað og því að fá til liðs við skólann öflugan leiðtoga með yfirgripsmikla þekkingu á Íslensku atvinnulífi og efnahagsmálum og væntir stjórnin mikils af starfi Vilhjálms sem rektors Háskólans á Bifröst.

 

 

 

Vilhjálmur Egilsson vill að fram komi að hann er afar þakklátur fyrir þann tíma sem hann hefur átt í Samtökum atvinnulífsins og telur heiður af því að hafa starfað með öllu því fólki sem hann hefur átt samskipti við innan sem utan samtakanna. Hann hlakkar til að takast á við starf rektors Háskólans á Bifröst þar sem hann fær tækifæri til að sinna betur ýmis konar rannsóknum í þágu íslensks atvinnulífs og ennfremur tækifæri til að miðla af þeirri þekkingu á atvinnu- og samfélagsmálum sem hann hefur aflað sér í námi og margvíslegum störfum.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is