Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
20. mars. 2013 09:01

Frumvarp um rannsóknanefnd vegna mistaka í heilbrigðisþjónustu

Fimm þingmenn hafa lagt fram frumvarp á Alþingi um að sérstök þriggja manna rannsóknarnefnd annist rannsókn á mistökum sem verða í heilbrigðisþjónustu. Kemur rannsóknarnefndin í stað landlæknis sem nú tekur við kvörtunum sjúklinga og aðstandenda og annast athugun slíkra mála. Frumvarpið byggir á lögum um rannsóknanefndir á samgöngusviði (flugslysanefnd, sjóslysanefnd og umferðaslysanefnd) sem verða sameinaðar í eina 1. júlí nk. Hugmyndina má rekja til blaðagreinar sem Auðbjörg Reynisdóttir hjúkrunarfræðingur skrifaði s.l. haust, en hún er einn stofnenda Viljaspors, félags fólks um öryggi sjúklinga og úrvinnslu atvika í heilbrigðisþjónustu. Flutningsmenn eru Álfheiður Ingadóttir, Siv Friðleifsdóttir, Valgerður Bjarnadóttir, Margrét Tryggvadóttir og Þuríður Backman.

 

 

 

 

Megintilgangur frumvarpsins er að sjálfstæð og óháð rannsóknanefnd leiði í ljós hvort mistök hafa orðið innan heilbrigðiskerfisins og um leið orsakir atvika, þ.á. m. vanrækslu og mistök. Nefndin tekur við hlutverki landlæknis í rannsókn mála annarra en vegna framkomu heilbrigðisstarfsmanna. Þá er nefndinni heimilt að láta landlækni rannsaka einstök mál. Nefndin mun ekki taka beina afstöðu til þess hvort sök sé til staðar og þá skaðabótaskylda heldur hefur í raun sama hlutverk og fyrrnefndar rannsóknarnefndir sem eiga ekki að skipta sök.

 

„Á undanförnum mánuðum hafa mörg átakanleg dæmi verið rakin í fjölmiðlum um mistök sem orðið hafa í heilbrigðisþjónustunni. Sjúklingar og aðstandendur hafa stigið fram og tjáð sig opinberlega um alvarlegar afleiðingar af mistökum eða vanrækslu. Þeir kvarta ekki aðeins undan mistökunum, heldur fremur undan viðhorfi og viðmóti „kerfisins“ sem þeim þykir fremur einkennast af vanvirðingu og hroka en nauðsynlegum heiðarleika og auðmýkt. Þá þykir meðferð kærumála taka langan tíma, og dæmi hafa verið nefnd um að við lok athugunar sé ekki lengur unnt að koma við skaðabótakröfu. Markmið viðkomandi með því að segja frá persónulegri og sárri reynslu hefur þó ekki verið að kalla eftir skaðabótum heldur samúð og skilningi, og til að tryggja að enginn annar þurfi að verða fyrir slíkum mistökum aftur. Menn eru fyrst og fremst að leita upplýsinga um það sem gerðis, leita sannleikans, en það er einmitt verkefni rannsóknanefnda á samgöngusviði,“ segir Álfheiður Ingadóttir fyrsti flutningsmaður frumvarpsins.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Hornabú

Grundarfjarðarbær

ATH! Breyttur tími og dagsetning stofnun Matarklasa

Grundarfjarðarbær

Sorphirða

Grundarfjarðarbær

Aðalskipulag Grundarfjarðar - tillaga

Grundarfjarðarbær

Hunda- og kattahreinsun

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is