Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
21. mars. 2013 06:15

Þorvaldur hættir í stjórn KB

Breytingar urðu á stjórn Kaupfélags Borgfirðinga á aðalfundi félagsins sem haldin var í fyrrakvöld á Hótel Borgarnesi. Þorvaldur T. Jónsson frá Hjarðarholti gaf ekki kost á sér til endurkjörs en hann hefur setið í stjórn KB með hléum frá árinu 1998, þar af sem stjórnarformaður frá 2006. Þorvaldur hættir vegna nýrra starfa sem hann hefur tekið sér fyrir hendur og var honum á fundinum þökkuð vel unnin störf í þágu félagsins. Í stað hans var kjörin María Líndal frá Neðri-Hundadal í Miðdölum. Aðrir í stjórn voru kjörnir Pétur Geirsson Borgarnesi, Guðbrandur Guðbrandsson Staðarhrauni, Guðbjartur Gunnarsson Hjarðarfelli og Guðrún Sigurjónsdóttir Glitstöðum. Á fundinum kom fram að 1,7 milljóna króna tap varð á rekstri félagsins á síðasta ári.

Hagnaður félagsins fyrir fjármagnsliði var hins vegar 35,3 milljónir króna og jókst um 14 milljónir milli ára. Um er að ræða rekstur búrekstrardeildar félagsins við Egilsholt í Borgarnesi. Fjármagnskostnaður vegur því þungt í bókum þessa 109 ára gamla félags sem samtals skuldar 823,2 milljónir króna. Sú tala gæti hins vegar lækkað á næstu mánuðum þar sem enn getur komið til leiðréttinga vegna nýgengins dóms Hæstaréttar um ólögmæt erlend lán. Eiginfjárhlutfall KB nam um áramótin 13,9%.

 

Afkoma félagsins er þó í heildina í takt við áætlanir stjórnar. Heildareignir félagsins eru metnar á tæplega 957 milljónir króna en verðmætasta eign félagsins er 13% eignarhlutur í Samkaupum sem bókfærður er á um 400 milljónir króna. Kaupfélagið starfar nú í 15 félagsdeildum og eru félagsmenn um 1.400 talsins. Tvær nýjar deildir voru stofnaðar á liðnu ári; Breiðafjarðardeild sem spannar Dali og Barðaströnd að Kjálkafirði og Hvalfjarðardeild sem nær yfir Hvalfjarðarsveit og nágrenni. Þá samþykkti fundurinn að ráðast í stefnumótun fyrir félagið til framtíðar og var stjórn félagsins falið að setja á fót starfshóp til að leiða það starf á næstunni.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Hornabú

Grundarfjarðarbær

ATH! Breyttur tími og dagsetning stofnun Matarklasa

Grundarfjarðarbær

Sorphirða

Grundarfjarðarbær

Aðalskipulag Grundarfjarðar - tillaga

Grundarfjarðarbær

Hunda- og kattahreinsun

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is