Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
22. mars. 2013 04:06

Segir ómaklega sótt að fyrirtækinu Norðuráli

Einar Kristinn Guðfinnsson alþingismaður tók upp á Alþingi í morgun umræðu um skattamál stóriðjunnar, en þau hafa verið til umfjöllunar í Kastljósi og fréttum RUV undanfarin tvö kvöld. Fjallaði Einar Kristinn einkum um álver Norðuráls á Grundartanga. „Ég tel að Norðurál hafi þurft að sæta ótrúlega ómerkilegum árásum. Þessar árásir hafa ratað inn í sali Alþingis og því fannst mér tilefni að nota dagskrárliðinn "störf þingsins," til þess að ræða þessu mál,“ sagði Einar Kristinn í samtali við Skessuhorn. Í ræðu sinni á Alþingi sagði Einar Kristinn m.a.: „Undanfarna sólarhringa hefur verið vegið mjög ómaklega og af rangsleitni að fyrirtækinu Norðuráli á Grundartanga. Það hefur endurómað hér í umræðum í þinginu. Við vitum öll til hvers refirnir eru skornir í þessu sambandi. Við vitum hvað hér býr að baki.

Einar Kristinn vitnaði í orð Vilhjálms Birgissonar formanns VLFA sem skrifar: „Við Akurnesingar gerum okkur algjörlega grein fyrir mikilvægi stóriðjunnar hér á Akranesi enda er nánast morgunljóst að ef að stóriðjunnar nyti ekki við þá væri hægt að slökkva ljósin hér á Akranesi og pakka saman. Svo mikilvæg er þessi starfsemi fyrir samfélagið á Akranesi og það þekkja allir þeir sem búa þar og í nærsveitum. Því biður formaður þá aðila sem tala niður þessa starfsemi að tala af ögn meiri virðingu fyrir þeim störfum sem þetta ágæta fólk sinnir dagsdaglega til að skapa hér gjaldeyristekjur fyrir íslenskt samfélag. Gjaldeyristekjur sem hjálpa til við að halda úti löggæslu, mennta- og heilbrigðiskerfi hér á landi.“

 

Greiddi hæstu opinberu gjöld allra fyrirtækja

Einar Kristinn sagði í morgun að umræða um Norðurál hafi verið með ólíkindum og alls ekki í samræmi við neinar staðreyndir málsins. „Það hefur verið látið í veðri vaka að þetta fyrirtæki hafi ekki borgað neina skatta. Þó er það þannig að á síðasta ári greiddi Norðurál á Grundartanga hæstu opinberu gjöld nokkurs hefðbundins fyrirtækis fyrir utan ríki og banka og greiddi auðvitað hæstu gjöldin á Vesturlandi. Þar af var tekjuskatturinn 1,5 milljarðar króna. Til viðbótar við þetta hefur fyrirtækið greitt raforkuskatt til íslenska ríkisins. Á síðasta ári greiddi fyrirtækið 4,5 milljarða kr. inn í ríkissjóð. Það hefur verið látið í veðri vaka að fyrirtækið sé með veika eiginfjárstöðu og byggt á einhverjum brellum. Þó er það þannig að álverið á Grundartanga er með 50% eiginfjárhlutfall og arðurinn af þessu fyrirtæki sem rennur til móðurfyrirtækisins, sem er hér á Íslandi, hefur meðal annars verið notaður til að byggja upp starfsemina í Helguvík þannig að ég vil segja að það er ótrúlega ómerkilegt að ráðast að þessu góða fyrirtæki sem skapar hundruð starfa á Akranesi og fjölmörg afleidd störf. Þetta er ómaklegt, þetta er ósanngjarnt og það á ekki að eiga sér stað að menn haldi áfram með slíkum röngum fullyrðingum eins og voru endurteknar hérna í morgun,“ sagði Einar Kristinn á þingi í morgun.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Hornabú

Grundarfjarðarbær

ATH! Breyttur tími og dagsetning stofnun Matarklasa

Grundarfjarðarbær

Sorphirða

Grundarfjarðarbær

Aðalskipulag Grundarfjarðar - tillaga

Grundarfjarðarbær

Hunda- og kattahreinsun

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is