Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
25. mars. 2013 09:01

Píslir og passíusálmar í Hvalfjarðarsveit

Föstudagurinn langi verður fremur viðburðaríkur í Saurbæjarprestakalli á Hvalfjarðarströnd en þann dag verður boðið upp á bæði píslargöngu og passíusálmalestur. Upplestur Passíusálmanna verður í Hallgrímskirkju í Saurbæ og hefst hann klukkan 13.30. Það verður Sigurður Skúlason leikari sem flytur alla sálmana í fimmta og síðasta sinn og má ætla að lesturinn standi til kl. 18.30 en gestum er frjálst að koma og fara að vild meðan á honum stendur. Þegar hlé verður gert á lestri mun Gunnar Kvaran sellóleikari flytja tónlist úr einleikssvítum Jóhannesar Sebastíans Bach og nokkur íslensk þjóðlög.

 

 

 

 

Þá verður þennan sama dag farin svokölluð píslarganga frá Leirárkirkju og að Hallgrímskirkju í Saurbæ. Hefst gangan kl. 09.00 með stuttri bænagjörð í fyrrnefndu kirkjunni en síðan verður farið sem leið liggur inn Leirársveitina og um Svarfhólsskóg og komið að Hallgrímskirkju í Saurbæ áður en lestur Passíusálmanna hefst. Gönguleiðin er um 16 km og má gera ráð fyrir að göngutíminn verði um þrjár og hálf til fjórar klukkustundir.

 

Sr. Hallgrímur var prestur í Saurbæ á árunum 1651-1669 eða um 18 ára skeið. Orti hann þar Passíusálmana, en þeir voru fyrst gefnir út árið 1666. Hafa sálmarnir verið kynslóðunum á Íslandi svo hjartfólgnir í gegnum tíðina að sr. Hallgríms hefur oft verið minnst sem prests allrar þjóðarinnar og sem mesta trúarskálds hennar.

-fréttatilkynning

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is