Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
23. mars. 2013 03:56

Sjálfsíkveikjur í þvotti og tuskum - leiðir til að varast að slíkt gerist

Í apríl á síðasta ári vakti tryggingafélagið VÍS athygli á hættunni á því að kviknað geti í út frá olíusmituðum þvotti. Þá höfðu orðið þrír brunar á innan við ári hjá viðskiptavinum félagsins þar sem sjálfsíkveikja varð í þvotti sem hafði verið smitaður af matarolíu. Auk þeirra var VÍS á þeim tíma kunnugt um a.m.k. fimm önnur tilvik þar sem kviknað hafði í út frá olíum en tekist á síðustu stundu að bleyta í þvottinum og afstýra bruna. Frá því að VÍS vakti athygli á þessari brunahættu er félaginu ekki kunnugt um eldsvoða af þessu tagi þar til fyrr í þessari viku hjá fatahreinsun á Akureyri. Þar kviknaði í óþvegnum olíusmituðum fatnaði inni í þvottavél.

Vel þekkt er að kviknað getur m.a. í viðarolíu í tuskum, svampi eða öðru slíku og er þá getið um þá hættu á umbúðunum. En sjálfsíkveikja getur einnig orðið í þvotti sem smitaður er matar- eða nuddolíu jafnvel þótt hann hafi verið þveginn því það getur enn verið talsvert eftir af olíu sem ekki þvæst úr tauinu.

Það sem gerist er að inni í hrúgunni verður efnahvarf sem myndar hita. Því stærri sem hrúgan er, því meiri verður einangrunin og hitastigið hækkar hraðar. Að lokum verður hitinn það mikill að eldur kviknar. Ýmis bleikiefni í þvotti geta aukið þessa áhættu en eftir að þvottur er þveginn þá er utanaðkomandi hiti til að mynda frá þurrkari skilyrði. Þau fyrirtæki sem þetta getur átt við eru m.a. veitingahús, nuddstofur, bakarí, efnalaugar, bifreiðaverkstæði, hótel og atvinnurekstur þar sem viður er olíuborinn. Þessi áhætta getur líka verið á heimilum, m.a. þegar viðarolía hefur verið borin á húsgögn eða matarolía þerruð upp.

 

Vinnureglur til að draga úr hættu á sjálfsíkveikju:

• Bleyta olíublautar tuskur, setja þær í poka og lofttæma pokann.

• Þvo olíusmitaðan þvott strax.

• Ekki nota þurrkara þegar olíusmitaður þvottur er þveginn. Ef þurrkari er notaður láta hann enda á 10-15 mín. kæliprógrammi eða nota krumpuvarna stillingu á heimilisþurrkurum.

• Láta þurrkara klára prógrammið og geyma þvottinn aldrei í þurrkaranum eftir að hann er búinn.

• Dreifa úr þvotti meðan hann kólnar niður í herbergishita.

• Gæta þess að lósía sé ávallt hrein.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is