Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
05. apríl. 2013 11:12

Viðbragðsáætlun vegna gróðurelda í Skorradal kynnt

Í framhaldi af atburðum um og fyrir páska tengdum sinu- og gróðureldum boðaði almannavarnanefnd Borgarfjarðar til fundar sl. miðvikudagskvöld. Þar voru drög að viðbragðsáætlun vegna gróðurelda í Skorradal kynnt slökkviliðsmönnum, landeigendum, sumarhúsaeigendum og öðrum sem málið varðar. Stefán Skarphéðinsson sýslumaður í Borgarnesi, formaður almannavarnarnefndar, segir að undirbúningshópur sem vann að viðbragðsáætluninni hafi vandað sig mjög við verkið, enda plagg sem ætlað er til framtíðar, en viðbragðsáætlunin sé nánast tilbúin. Á fundinum kom m.a. fram það álit sumarhúsaeigenda í Skorradal að ef stórir skógareldur kvikna í dalnum kæmi hefðbundinn slökkvibúnaður að litlum notum.

Í viðbragðsáætluninni er meðal annars fjallað ítarlega um flóttaleiðir, fjarskipti, verkaskiptingu milli björgunaraðila og sérstaklega um allt sem lýtur að beinu slökkvistarfi, meðal annars vatnsöflun. Hulda Guðmundsdóttir skógar- og ferðaþjónustubóndi á Fitjum í Skorradal hefur verið í fararbroddi þeirra sem beitt hafa sér fyrir gerð viðbragðsáætlunarinnar. Hulda á einnig sæti í hreppsnefnd Skorradalshrepps. Hún segir að hreppsnefndin sé öll að vilja gerð til að beita áhrifum sínum til að eldhætta í Skorradal verði sem minnst. Helst vildi hreppsnefndin banna sinuelda, en gæti það ekki vegna laga í landinu sem heimila þá með ákveðnum skilyrðum. Það var því ranglega haft eftir Huldu í umfjöllun í síðasta tölublaði Skessuhorns að hreppsnefnd Skorradals hefði bannað sinuelda. Leiðréttist það hér með.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is