Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
09. apríl. 2013 08:01

Skjölum Akraneskaupstaðar hent án samráðs

Í ársskýrslu Héraðsskjalasafns Akraness sem kom út í síðustu viku kom meðal annars fram að skjalamálum stofnana Akraneskaupstaðar er verulega ábótavant. Þetta hafi könnun sem gerð var árið 2011 meðal annars leitt í ljós. Forstöðumenn stofnana hafi ekki verið meðvitaðir um skyldur sínar og á mörgum stöðum var búið að henda skjölum án samráðs við héraðsskjalavörð og án heimildar frá Þjóðskjalasafni.  Vegna þessa hafi héraðsskjalavörður byrjað á reglubundnum eftirlitsheimsóknum í stofnanir á árinu til þess að fara yfir skjalamál stofnana með viðkomandi forstöðumönnum. Þeim var veitt ráðgjöf og í framhaldi rædd skil skjala til skjalasafnsins. Þessar heimsóknir hafi sýnt mikla þörf á fræðslu inn í stofnanir og mikilvægi þess að brýna fyrir forstöðumönnum að eyða engum gögnum án samráðs við héraðsskjalavörð.

„Þær stofnanir sem heimsóttar voru á árinu eru Listasetrið Kirkjuhvoll, Slökkvilið Akraness, Grundaskóli og leikskólarnir Akrasel, Vallarsel, Teigasel og Garðasel. Engin af þessum stofnunum er með skjalavistunaráætlun né málalykil og er það mál til skoðunar,“ segir meðal annars í ársskýrslu skjalasafnsins.

 

Þá má geta þess að árið 2012 var farið í átak í söfnun skjala íþróttafélaga. Átakið var í samstarfi við ÍSÍ og var í tilefni af 100 ára afmæli sambandsins. Send voru bréf til forsvarsmanna íþróttafélaga á Akranesi og þeir hvattir til að skila inn óvirkum skjölum. Átakið gekk hægt en þó skiluðu sér skjöl frá tveimur félögum, Íþróttafélaginu Þjóti og Ungmennafélagi Akraness.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is