Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
09. apríl. 2013 10:43

Arnarparið reynir varp á ný

Fyrir tæpu ári síðan varð uppvíst um skemmdarverk á arnarhreiðri í eyju á sunnanverðum Breiðafirði, eins og Skessuhorn sagði frá á sínum tíma. Þar hafði ungt arnarpar búið sig undir varp en ekkert varð úr því vegna skemmda sem unnar voru á hreiðrinu. Á vef Náttúrustofu Vesturlands er nú greint frá því að arnarparið hafi ákveðið að reyna varp á ný. „Ánægjulegt er að sjá að þetta virðist ekki hafa hindrað parið í að reyna aftur og hefur það nú byggt nýjan hreiðurlaup og virðist ætla að gera aðra tilraun til varps,“ segir á vef Náttúrustofunnar. Arnarhjónin sem urðu fyrir árásinni á síðasta ári eru fremur ung að árum. Karlfuglinn (til hægri á myndinni) er sjö ára en kvenfuglinn sex ára en á þessum aldri hefja ernir yfirleitt varp. Í 19. grein laga nr. 64/1994 um vernd, friðun og veiðar á villtum fuglum og villtum spendýrum segir meðal annars: „Óheimilt er frá 15. mars til 15. ágúst að koma nær arnarhreiðrum en 500 m nema brýna nauðsyn beri til“.

Síðar kemur einnig fram að: „Óheimilt er að hrófla við hreiðrum og hreiðurstæðum arna og svæði sem takmarkast af 100 m hringmáli umhverfis, hvort sem er á varptíma eða utan hans.“

Starfsmenn Náttúrustofu Vesturlands og Fuglaverndar litu málið mjög alvarlegum augum og að þessu sinni munu ýmsir aðilar fylgjast vandlega með hreiðrinu úr landi og af sjó til að reyna að koma í veg fyrir að parið verði aftur fyrir truflun. Þá er einnig í skoðun að setja upp vöktunarmyndavél í nágrenni við hreiðrið.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is