Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
12. apríl. 2013 01:07

Umferðin um göngin jókst um tæp ellefu prósent

Umferð í Hvalfjarðargöngum var 10,7% meiri í mars en í sama mánuði í fyrra. Á heimasíðu Spalar segir að þetta komi nákvæmlega heim og saman við tölur Vegagerðarinnar um 10,6 aukningu umferðar á hringveginum. Nærtækasta skýringin er sú að páskaumferðin var að miklu leyti í mars í ár en í apríl í fyrra, en þó var annar í páskum 1. apríl og heimferð fjölda vegfarenda úr páskafríi telst því með aprílumferðinni. Páskarnir skýri því ekki umferðaraukninguna að öllu leyti, heldur hafi fólk verið meira á ferðinni nú en í fyrra, enda veður og veðurspár hagstæðar til ferðalaga um páska í ár.

Í frétt Spalar segir einnig að Vegagerðin hafi ekki mælt jafn mikla aukningu umferðar á hringveginum í marsmánuði frá því byrjað var að taka saman upplýsingar þar að lútandi árið 2005. Umferð jókst alls staðar á landinu nema á Austfjörðum, þar sem hún dróst saman um 2,5%. Einnig dróst umferð á höfuðborgarsvæðinu saman í mars 2013 miðað við sama mánuð í fyrra, eða um 1,8%. Rökrétt sé að álykta að þar birtist hin hliðin á páskaumferðinni. Höfuðborgarbúar fóru í verulegum mæli út úr bænum og bættu við umferðartölur í göngunum og á hringveginum, eða héldu sig heima og hvíldu bílana sína.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is