Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
17. apríl. 2013 06:15

Náttúrustofur minna frambjóðendur á hlutverk sitt

Í opnu bréfi frá Samtökum náttúrustofa til frambjóðenda til alþingiskosninga kemur fram að með endurskoðun á uppbyggingu stofnana á sviði náttúrurannsókna og náttúruverndar sem framundan er opnist nú tækifæri til að skapa náttúrustofum á landsbyggðinni sterkari stöðu. „Náttúrustofurnar sjá sig til framtíðar sem mikilvægt tól stjórnvalda til þess að fylgjast markvisst með ástandi náttúrufars á Íslandi,“ segir meðal annars í bréfi samtakanna sem segja að ríkið ætti að sjá sér hag í að nýta í auknum mæli fjárfestingu sína í náttúrustofunum vítt og breitt um landið, meðal annars með því að fela þeim aukin verkefni. „Í stað þess að byggja upp einstaklingsútibú stofnana sinna vítt og breitt um landið ætti ríkið að semja við náttúrustofurnar um að sjá um ákveðin störf, eins og heimilt er í lögum, og að samnýta með þeim húsnæði ef þess er nokkur kostur. Slíkt væri án efa mun hagkvæmara fyrir stofnanir ríkisins, efldi starfsemi þeirra á landsbyggðinni og gerði starfsemina markvissari og ódýrari.“

Samtökin leggja til að þetta verði gert með því að fela náttúrustofunum aukin verkefni við öflun grunnupplýsinga og vöktun íslenskrar náttúru, gegn hærra rekstrarframlagi frá ríki. Þannig sé þeirri vegferð að fjölga störfum náttúrufræðimenntaðs fólks á landsbyggðinni til að mynda haldið áfram. „Með þessu má styrkja byggðir á landinu öllu og auka hagkvæmni í því umfangsmikla framtíðarverkefni, sem vöktun náttúrunnar er,“ segir að lokum í bréfi Samtaka náttúrustofa.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is