Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
18. apríl. 2013 06:15

Ellefu verkefni á Vesturlandi fá styrki úr framkvæmdasjóði ferðamannastaða

Í gær var tilkynnt um úthlutun 279 milljóna króna úr Framkvæmdasjóði ferðamannastaða. Þetta er þriðja úthlutun úr sjóðnum á árinu og hefur þá alls rúmum 576 milljónum króna verið úthlutað úr honum á þessu ári. Ellefu verkefni á Vesturlandi fá úthlutun að þessu sinni. Flestar styrkveitingar á Vesturland koma í Snæfellsbæ, en þangað er veitt alls 40,9 milljónum króna. Til gerðar útivistarstígs og áningarstaðar milli Rifs og Ólafsvíkur er veitt 25 milljónum, til áningarstaður við Rif fara 13,3 milljónir, til útivistarstaður og áningarstaður milli Rifs og Ólafsvíkur 1,2 milljón tæp. Þá fær strandupplifun og sjóböð í Snæfellsbæ eina milljón og til skipulags og hönnunar áningarstaðar við Bjarnarfoss í Staðarsveit er veitt 450 þúsundum króna.

Stykkishólmsbær fær 5,7 milljóna króna styrk vegna verkefnis í Súgandisey og Lionsklúbbur Stykkishólms 500 þúsund vegna fræðsluskiltis í og við Stykkishólm. Til Þróunarfélags Snæfellinga er veitt 1,8 milljón til Helgafells á Snæfellsnesi vegna umhverfishönnunar og skipulags. Til Snorrastofu í Reykholti vegna varðveislu útiminja og umhverfis er veitt 13 milljónum króna. Fimm milljónum er veitt til Sögubæjarins í Borgarnesi. Akraneskaupstað er úthlutað tveimur styrkjum, Breiðin fær 3,4 milljónir og útivistarperlan Langisandur 2 milljónir.

 

Auglýst var eftir umsóknum í Framkvæmdasjóð ferðamannastaða 2. febrúar sl. en umsóknarfrestur var til 1. mars. Alls bárust 96 umsóknir og var heildarupphæð styrkumsókna um 445 miljónir króna. Að þessu sinni er úthlutað styrkjum til 75 umsækjenda, samtals að upphæð tæpar 279 miljónir króna. Hæstu styrkir eru 25 og 30 milljónir króna. Úthlutun styrkja að þessu sinni má skipta í eftirfarandi þrjá flokka: 25 verkefni tilbúin til framkvæmda, alls 119,3 m.kr., 23 verkefni á skipulags- og hönnunarstigi, alls 58,5 m.kr. og 27 verkefni v/gönguleiða, aðkomu og öryggis, 100,9 m.kr. Framkvæmdasjóður ferðamannastaða er fjármagnaður að 3/5 hlutum með gistináttagjaldi en að auki var sjóðurinn stórefldur með fjárfestingaáætlun ríkisstjórnarinnar og ákveðið að hann fái árlega 500 milljónir króna aukalega árin 2013-2015 til að hraða úrbótum á fjölsóttum ferðamannastöðum og byggja upp nýja, allt með sérstakri áherslu á vernd umhverfis. Sömu ár renna 250 milljónir árlega úr fjárfestingaáætlun til þjóðgarða og friðlýstra svæða, segir í tilkynningu vegna úthlutunarinnar.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is