Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
20. apríl. 2013 08:01

Stórtónleikar vegna 50 ára söngafmælis Steina og Dúmbó sextetts

Um þetta leyti árs fyrir fimmtíu árum fékk fimmtán ára piltur upphringingu frá skólabróður með boð um að reyna sig sem söngvara með tveggja ára gamalli hljómsveit sem verið var að endurskipuleggja. Markmiðið var að komast á sveitaballamarkaðinn í Borgarfirðinum. Piltur sló til og varð strax mjög vinsæll. Fjórum árum síðar var hann orðinn einn dáðasti dægurlagasöngvari landsins og hljómsveitin sömuleiðis ein sú allra vinsælasta. Þetta er auðvitað Sigursteinn Hákonarson, alltaf kallaður Steini, og nú ætlar hann og hljómsveitin sem er að sjálfsögðu Dúmbó sextett að halda uppá 50 ára söngafmæli Steina og sömuleiðis 50 ára afmæli Dúmbó sextetts með tónleikum í Bíóhöllinni á Akranesi þann 17. maí n.k. Tónleikarnir hefjast kl. 21. Þar munu Dúmbó sextett og Steini rifja upp fullt af skemmtilegum lögum frá fyrstu árunum sem og lögum af hljómplötunum sem þeir félagar gáfu út síðar. Í þessi fimmtíu ár hefur Steini verið nánast stöðugt syngjandi með hljómsveitum og sönghópum og verið starfandi í Kór Akraneskirkju í áratugi, iðulega sem einsöngvari.

 

 

 

 

Dúmbó og Steini komu síðast fram opinberlega 17. júní 2012 þar sem hljómsveitin lék og nokkur lög á hátíðarskemmtun í Garðalundi. Tuttugu og fimm ár voru þá liðin frá því að þeir félagar, sem lengstum skipuðu hljómsveitina, stigu síðast á svið saman og þá í fyrsta skipti í langri sögu sveitarinnar án Finnboga Gunnlaugssonar, gítarleikara, söngvara og lagahöfundar en hann lést í nóvember 2011 í Danmörku þar sem hann hafði verið búsettur í rúma tvo áratugi. Miðasala hefst 26. apríl í verslun Eymundsson Akranesi og á miði.is.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is