Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
19. apríl. 2013 10:42

Boðið upp á skákævintýri á morgun í Stykkishólmi

Á morgun, laugardaginn 20. apríl, verður Skákmót Árnamessu haldið í fjórða sinn í grunnskólanum Stykkishólmi og hefst mótið kl. 13:00. Allir efnilegustu og áhugasömustu skákkrakkar landsins munu fjölmenna á mótið auk þess sem grunnskólakrakkar á Snæfellsnesi eru sérstaklega hvattir til þátttöku. Boðið verður upp á rútuferð frá Reykjavík kl. 9:30 á laugardagsmorgni og til baka suður síðdegis, að móti loknu. Öllum þátttakendum verður boðið upp á pylsuveislu fyrir mót og einnig ókeypis veitingar í skákhléi. Í skákhléi verður einnig spurningakeppni skákfélaga sem er nýjung á Skákmóti Árnamessu. Gáfaðasta skákfélagið vinnur veglegan verðlaunagrip. Tefldar verða sex umferðir á skákmótinu og í lok mótsins hefst mikil verðlaunahátíð því að rúmlega 30 verðlaun og happadrættisvinningar verða í boði fyrir sigurvegara og heppna þátttakendur. Keppt er í þremur flokkum, eldri og yngri flokk og flokki Snæfellinga. Sigurvegari hvers flokks fær eignarbikar að launum.

 

 

 

Skákmót Árnamessu er kennt við Árna Helgason heiðursborgara Stykkishólms sem stóð fyrir öflugu æskulýðsstarfi í starfi barnastúkunnar Bjarkar nr 94 í áratugi og lést á tíræðisaldri árið 2008. Það er skákdeild Umf. Fjölnis í Grafarvogi sem skipuleggur og sér um framkvæmd þessa skákævintýris en þar er formaður Helgi Árnason sonur Árna sem verður mótsstjóri. Um skákstjórn sér Páll Sigurðsson sem sá einnig um skákstjórn á alþjóðlega skákmeistaramótnu "Reykjavík Open" í Hörpunni í mars sl.

 

Stykkishólmsbær er ásamt Norvik og Skáksambandi Íslands helsti stuðningsaðili mótsins en fyrirtæki á höfuðborgarsvæðinu og í Hólminum gefa vinninga. Nálgast má upplýsingar um mótið á www.skak.is og þar er líka hægt að skrá þátttöku.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is